Хотын дарга энэ оныг "Бүтээн байгуулалтын жил" гэж зарлав
Нийслэлийн Засаг дарга бөгөөд Улаанбаатар хотын Захирагчийн 2024-2028 оны үйл ажиллагааны хөтөлбөр, нийслэлийн хөгжлийн 2025 оны төлөвлөгөөний үндсэн чиглэлийг хэрэгжүүлэх зорилгоор энэ оныг “Бүтээн байгуулалтын жил” болгон зарлажээ.
Энэ хүрээнд хэрэгжүүлэх үйл ажиллагааг шуурхай зохион байгуулж, нэгдсэн удирдлагаар хангаж ажиллах үүрэг бүхий Ажлын хэсэг байгуулж, үйл ажиллагааны нэгдсэн төлөвлөгөөг нэгдүгээр сарын 15-ны өдрийн дотор боловсруулахаар болсон байна.
Улаанбаатар хотод дэд бүтэц, бүтээн байгуулалтын төсөл, хөтөлбөрийг дэмжиж шинэлэг шийдэл, инновац, технологи шингээсэн, стандартад нийцсэн тохижилт, ногоон байгууламжийг нэмэгдүүлэх, нийгмийн хөгжил, иргэдийн амьдрах орчныг сайжруулах тухай хотын дарга захирамждаа тусгажээ.
Эх сурвалж: НЗДТГ-ын хэвлэл мэдээлэл, олон нийттэй харилцах хэлтэс
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
15 СЭТГЭГДЭЛТЭЙ
|
