Хятадын тамирчныг санаатай мөргөсөн Шведийн сэтгүүлч Парисын олимпыг сурвалжлах эрхээ хасуулжээ
Дэлхийд нэгд эрэмбэлэгдэж буй Хятадын ширээний теннисийн тамирчин Ван Чучиньд өнгөрсөн долоо хоногт нэгэн эвгүй явдал тохиолдсон юм.
Тэмцээний дараа Чучинь хэвлэлд ярилцлага өгч байх үед Шведийн хэвлэл мэдээллийн ажилтан эмэгтэй түүнийг хүчтэй мөргөсөн байна. Сошиал ертөнцөд тарсан дүрс бичлэгт уг эмэгтэй хажуугаар нь зөрөх зай байсан хэдий ч тамирчныг санаатай мөргөсөн мэт харагдаж байв.
Чучинь энэ санаандгүй үйлдэлд ихэд цочирдон гайхаж байгааг бичлэгээс харж болохоор байлаа.
Сошиал сүлжээнд тарсан бичлэгийн мөрөөр Парисын олимпын наадмыг зохион байгуулагчид шалгаж, Шведийн сэтгүүлчийн сурвалжлах эрхийг хассан тухай мэдээ өчигдөр цацагдсан байна.
24 настай Ван Чучинь тухайн өдөр эрэгтэйчүүдийн ганцаарчилсан төрөлд дэлхийн чансааны 19 дүгээрт бичигдэж байсан Шведийн тамирчин Трулс Морегардад хожигдож, дуулиан тариад байжээ.
Чучинь өмнө нь холимог хосын төрөлд багийн хамтрагч Сүн Иншатай хамт түрүүлж, алтан медаль зүүсэн юм.
Эх сурвалж: Free Press Journal
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
