"Туул голын усны түвшин өмнөх өдрөөсөө 10 сантиметрээр буурсан ч үерийн аюултай түвшинг давсан хэвээрээ байгаа"
Улсын Онцгой Комисс(УОК) болон Цаг Уур, Орчны Шинжилгээний Газар(ЦУОШГ)-аас цаг үеийн асуудлаар мэдээлж байна.
УОК-ын нарийн бичгийн дарга Т.Баярхүү "Цаг уурын байгууллагын мэдээллээр Улаанбаатар хот орчимд жилд 273.2 мм хур тунадас ордог. Гэтэл зургаадугаар сарын 20-21-нд буюу 24 цагийн хугацаанд 60 мм хур тунадас орлоо. Уг нь Улаанбаатарт зургаадугаар сард олон жилийн дунджаас харахад 37.2 мм хур тунадас ордог.
Өөрөөр хэлбэл нэг сард ордог хур тунадаснаас их хэмжээний хур тунадас 24 цагт орлоо. Энэ нь үерийн эрсдэлийг дагуулж байна.
Туул голын усны түвшин өмнөх өдрөөсөө 10 см буурсан ч үерийн аюултай түвшинг давсан хэвээрээ байгаа. Ойрын өдрүүдэд түр зуурын усархаг бороо орох, уруйн үер буух эрсдэлтэй байна.
Иймээс голын ойролцоо амарч зугаалахгүй байх, хүүхдүүдийнхээ аюулгүй байдлыг хангах, баталгаат зам гүүрээр зорчихыг зөвлөж байна" гэв.
Шууд үзэх:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
