ХУУЧИРСАН МЭДЭЭ: 2024/06/21-НД НИЙТЛЭГДСЭН
Нийтийн эзэмшлийн долоон байршилд гудамж, зам талбайн усыг соруулж байна
IKON.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Нийслэлийн Онцгой Комисс /НОК/-ын “Шуурхай штаб”-аас зургаадугаар 21-ний өдрийн 15:00 цагийн байдлаар авч хэрэгжүүлж байгаа арга хэмжээний талаар мэдээлэл өглөө.
НОК-д өнөөдөр 08:00-15:00 цагийн хооронд 40 дуудлага бүртгэгдсэнээс дийлэнх нь хашаа, гэр усанд авсан дуудлага байгаа аж.
Одоогийн байдлаар таван дуудлага дээр шуурхай арга хэмжээ авч ажиллаж байгаа ба бусад дуудлагад зөвлөгөө, мэдээлэл өгч ажиллажээ.
Нийтийн эзэмшлийн гудамж зам талбайд ус тогтсон 21 байршил байгаа юм байна.
Үүнээс:
- Сонгинохайрхан дүүргийн 40-р хороо Хилчин хотхон,
- Хан-Уул дүүрэг 15-р хороо Гэгээнтэн хотхон,
- Баянгол дүүргийн 3-р хороо Нарны хороолол
- Сонгинохайрхан дүүргийн 32-р хороо Тахилтын нүхэн гарц,
- Хан-Уул дүүргийн 3-р хороо Дунд гол
- Баянгол дүүргийн 20-р хороо
- Хан-Уул дүүргийн 4-р хороо зэрэг нийт долоон байршилд ус соруулж байгаа юм байна. Бусад байршилд борооны усны түвшин соруулах хэмжээнд биш байгаа аж.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
