Булган аймагт алга болсон 15 настай хүүг эсэн мэнд олжээ
17:29 2024/04/02
Булган аймгийн Бүрэгхангай сумын нутаг дэвсгэрт алга болсон 15 настай хүүг эсэн мэнд олжээ.
Цагдаагийн байгууллагаас 54 хүний бүрэлдэхүүнтэй долоон автомашинтайгаар эрлийн баг ажиллаж, алга болсон хүүхдийг гэрээсээ 15 километрт байрлах айлд байсныг олж тогтоосон байна.
Хүүхдийг эсэн мэнд олж, ар гэрт нь хүлээлгэн өгөхөөр ажиллаж байгааг Цагдаагийн Ерөнхий Газраас мэдээллээ.
09:51 2024/04/02
Булган аймгийн Бүрэгхангай сумын нутаг дэвсгэрт гэрийнхээ гаднаас аргал оруулж ирнэ гэж гараад сураггүй болсон 15 настай хүүг эрэн хайж байгааг Онцгой Байдлын Ерөнхий Газраас мэдээлэв.
Тодруулбал Бүрэгхангай сумын Дэрст багийн "Нарийны-Ам" гэдэг газар өчигдөр 10:00-11:00 цагийн орчим гэрийнхээ гаднаас аргал оруулж ирнэ гэж гараад сураггүй болсон байна.
Энэ талаарх дуудлага мэдээлэл өчигдрийн 19:00 цагт бүртгэгджээ.
Дуудлагын дагуу тус аймгийн Онцгой байдлын газрын эрэн хайх, аврах салбарын алба хаагчид, Бүрэгхангай сумын сум дундын Цагдаагийн тасгийн алба хаагчид, мэргэжлийн анги, ар гэрийнхэнтэй нь хамтран иргэн (15 настай, эрэгтэй)-г эрэн хайх ажиллагааг 19:30 цагаас эхлэн зохион байгуулж байгааг мэдээллээ.
Эх сурвалж: Онцгой Байдлын Ерөнхий Газар
17:29 2024/04/02
Булган аймгийн Бүрэгхангай сумын нутаг дэвсгэрт алга болсон 15 настай хүүг эсэн мэнд олжээ.
Цагдаагийн байгууллагаас 54 хүний бүрэлдэхүүнтэй долоон автомашинтайгаар эрлийн баг ажиллаж, алга болсон хүүхдийг гэрээсээ 15 километрт байрлах айлд байсныг олж тогтоосон байна.
Хүүхдийг эсэн мэнд олж, ар гэрт нь хүлээлгэн өгөхөөр ажиллаж байгааг Цагдаагийн Ерөнхий Газраас мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
