Н.Баатаржав: Амиа алдсан алба хаагчдын ар гэрийнхэнд гүн эмгэнэл илэрхийлье
"Дашваанжил" ХХК-аас үүсээд байгаа нөхцөл байдалтай холбогдуулан хэвлэлийн хурал зохион байгуулж байна.
"Дашваанжил" ХХК-ийн ерөнхий захирал Н.Баатаржав "Нэгдүгээр сарын 23-24-нд шилжих шөнө манай компанийн авто цистерн осолдож, ослын газарт ажиллаж, харамсалтайгаар амиа алдсан онцгой байдлын алба хаагчдын ар гэрийнхэнд компанийн 600 гаруй ажиллагсдын нэрийн өмнөөс гүн эмгэнэл илэрхийлье.
Осолд нэрвэгдсэн нийт хүмүүс болон эрүүл мэндээрээ хохирсон иргэд хурдан эдгээрэй гэж хүсье.
Говь, Горгаз, Тэс Петролиум зэрэг дотоодын ААН-үүд бидэнд тохиолдсон харамсалтай явдлын үеэр сэтгэлийн дэм өгсөнд баярлалаа.
Манай компанийн жолооч Рэнцэндорж нь 1984 оноос хүнд даацын машин барьсан туршлагатай, 62 настай, архи, тамхи хэрэглэдэггүй, онц тээвэрчин шагналтай, шилдэг ажилтан байгаа юм. 2019 оноос өдийг хүртэл манай компанид ажиллаж байна. Ажиллаж байх хугацаандаа ямар нэгэн осол гаргаж байгаагүй. Гэнэтийн осол гарсанд гүнээ харамсаж байна.
Хүмүүст учирсан зовлонг ашиглаж PR хийх гэж санамсаргүй мэдээлэл битгий түгээгээрэй гэж хүсье.
Мөрдөх байгууллагаас хэргийн газарт осол юунаас гарсныг тодорхойлохоор ажиллаж байгаа болохоор бид хуулийг зөрчөөд мэдээлэл өгч болдоггүй юм байна.
Өчигдөр газар дээр нь очоод орж харъя гэсэн оруулаагүй, прокурор, цагдаа, онцгойгийн том баг ажиллаж байгаа учир орох хориотой гэсэн.
Дөрвөн яамны мэргэжилтнүүд манай оффист суугаад бүх бичиг баримтыг шалгаж байгаа.
Манай компанийнхан хийн тээвэрлэлттэй холбоотой авто тээврийн осол гарч олон хүний амь эрстэж, олон хүний эрүүл мэнд, эд хөрөнгө хохирсонд гүнээ харамсаж, эмгэнэж байгаагаа дахин илэрхийлье.
Мэргэшсэн өмгөөлөгч, эрдэмтдийн баг ажиллуулж, хохирлыг шинжлэх ухааны үндэслэлтэй тогтоолгож, иргэд, ААН-ийг хохиролгүй болгох ажлыг хуулийн хүрээнд бүх талын боломж бололцоогоо дайчлан ажиллахаа илэрхийлж байгааг манай компанийн багийнхан уншиж өгөөрэй гэсэн юм. /Бичсэн зүйл уншив/
Өөрийн ажилтан болох Рэнцэндоржийн хууль эрхзүйн болон эдийн засгийн асуудлыг компанийн зүгээс бүрэн хариуцах шийдвэр гаргасан. Туршлагатай сайн ажилтнаа хамгаалах болно" гэв.
ШУУД ҮЗЭХ:
