ФОТО: Монгол Улс-БНХАУ-ын найрамдлын түүхийн бодит гэрч болох дурсгалуудаас бүрдсэн үзэсгэлэн
Монгол Улс-БНХАУ-ын хооронд дипломат харилцаа тогтоосны 75 жилийн ойд зориулсан тусгай үзэсгэлэн өнөөдөр Монголын Үндэсний музейн үзэсгэлэнгийн танхимд нээлтээ хийлээ.
Энэ жил Монгол улс, БНХАУ-ын хооронд дипломат харилцаа тогтоосны 75 жил, “Найрсаг харилцаа, хамтын ажиллагааны тухай гэрээ”-ний 30 жил, “Иж бүрэн стратегийн түншлэлийн харилцаа” тогтоосны 10 жилийн ой тус тус тохиож байгаа юм.
Үзэсгэлэнд тэртээх 1952 оны 10 дугаар сард Улаанбаатар хотноо болсон “Монгол-Хятадын найрамдлын 10 хоног” соёлын арга хэмжээний үеэр нийтэд дэлгэсэн зарим үзмэрүүдээс дээжлэн, Маршал Х.Чойбалсан тэргүүтэй БНМАУ-ын удирдагчдад БНХАУ-аас бэлэглэсэн утга гүн, үзэмж төгөлдөр зарим үзмэр, эд өлгийн зүйлс болон хоёр орны найрамдлын түүхийн бодит гэрч болох хосгүй нандин дурсгалууд дэлгэгджээ.
Тус үзэсгэлэнг зохион байгуулахад БНХАУ-аас Монгол Улсад суугаа Элчин Сайдын Яам дэмжлэг үзүүлэн хамтран ажиллаж байгаа ба 11 дүгээр сарын 30-ны өдөр хүртэл тус музейн үзэсгэлэнгийн танхимд олон нийтэд нээлттэй гарах юм байна.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
