"Ерөнхийлөгч цэргийн бүх бие бүрэлдэхүүний хүрээнд сахилга хариуцлагыг дээшлүүлэх, чангатгах чиглэл өгсөн"
Үндэсний Аюулгүй Байдлын Зөвлөл өнгөрсөн долоо хоногийн Баасан гарагт хуралдсан байна.
Хурлаар ойрын үед Монгол Улсад зохион байгуулагдах олон улсын арга хэмжээнүүд, 2026 онд болох СОР-17 гэх томоохон хурлын бэлтгэл ажлын явцын мэдээллийг сонсжээ.
Мөн Ерөнхийлөгч энэ хурлаар зэвсэгт хүчний анги нэгтгэлүүд дээр гарч буй асуудлуудтай холбоотойгоор Засгийн газар болон Зэвсэгт Хүчний Жанжин Штабт тодорхой үүрэг чиглэл өгсөн гэж Ерөнхийлөгчийн Тамгын Газрын дарга Я.Содбаатар хэллээ.
Тухайлбал цэрэг татлагад эрүүл залуусыг татах, цаашид залуусын эрүүл мэндэд анхаарах, бүх бие бүрэлдэхүүний хүрээнд сахилга хариуцлагыг дээшлүүлэх, чангатгах чиглэл өгсөн гэлээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
