Гэрэл зургийг MPA агентлагийн онцгой зөвшөөрөлтэйгөөр ашиглав

Монголын эрчим хүчний салбарын ажилтнуудын улсын анхдугаар зөвлөгөөн өнөөдөр болж байна. 

Уг зөвлөгөөн нь эрчим хүчний салбарын ажилтнуудын хөдөлмөрийн аюулгүй байдал, эрүүл ахуй, цалин хөлс, нийгмийн хамгааллын асуудал, хүний нөөц, техник технологийн насжилтын талаарх үнэн бодит мэдээллийг төр засаг болон олон нийтэд нээлттэй хүргэж, асуудлыг шийдвэрлэх гарц шийдлийг эрэлхийлэх зорилгоор зохион байгуулагдаж байгаа юм. 

"Шинэ эх үүсвэр баригдах хүртэл үйлдвэрлэлээс давсан эрчим хүчээ хэрхэн хангах вэ гэдэг нь амаргүй байна"

Манай улсын эрчим хүчний дутагдлын талаар Эрчим хүчний яамны Төрийн нарийн бичгийн дарга Н.Тавинбэх "Монгол улсын хэмжээнд сүүлийн жилүүдэд эрчим хүчний хэрэглээ нэмэгдэж байна. Эдийн засгийн агуулгаар нь авч үзвэл эдийн засаг өсөж, тэлж байна гэсэн үг шүү дээ. Харин эрчим хүчний салбар шаардлагатай хөрөнгө оруулалтыг цаг хугацаанд нь авч чадаагүйгээс болоод дотоодын үйлдвэрлэл, хэрэглээгээ хангаж чадахгүй болсон. 

Бид оргил ачааллын цагуудад ачааллын өсөлтийг БНХАУ, ОХУ-аас импортоор цахилгаан эрчим хүч авч хангаж байна. Өнгөрсөн жилүүдээс эхлэн бид зарим нэгэн боломжтой хэрэглээг оргил ачааллын цагуудад тодорхой хэмжээгээр хязгаарлах буюу эрчим хүчээр хангахгүй тасалж байгаа. Шинэ эх үүсвэр барих хүртэл энэ хүндрэлтэй нөхцөл байдал үргэлжилсээр байх болно. 

Импортын эрчим хүчийг одоо байгаа дэд бүтцийн хэмжээнд үүнээс цааш нэмэгдүүлж авах техникийн боломжгүй болсон. Эрчим хүчний салбар маш хүнд байдал байна. Засгийн үйл ажиллагааны хөтөлбөрт шинэ эх үүсвэр барих ажлууд эрчимтэй явагдаж байгаа ч удаан хугацаанд үргэлжилдэг ажил учраас дор хаяж 3-5 жилийн хугацаанд ашиглалтад орно. Энэ хугацаанд үйлдвэрлэлээс давсан эрчим хүчээ хэрхэн хангах вэ гэдэг нь амаргүй асуудал байна" гэв. 

Эрчим хүчний салбарт нэн тэргүүнд хэрэгжүүлэх шаардлагатай хөгжлийн төслүүдэд 15 их наяд төгрөгийн хөрөнгө оруулалт шаардлагатай

Дамжуулах сүлжээний хөрөнгө оруулалт сүүлийн жилүүдэд орхигдсон. Дамжуулах сүлжээг баруун, зүүн тийш нь тэлж бүс нутгийн хэмжээнд жигд хөгжих боломжийг бий болгох төслүүдийг хэрэгжүүлэх хэрэгцээ шаардлага байна. Иймд эрчим хүчний салбарт хөрөнгө оруулалтын хэрэгцээ шаардлага маш их гэдгийг Эрчим хүчний яамны бодлого төлөвлөлтийн хэлтсийн дарга Б.Ерэн-Өлзий онцлон хэллээ. 

Нэн тэргүүнд хэрэгжүүлэх шаардлагатай хөгжлийн төслүүд: