Тариаланчид сар гаруйн хугацаанд гурван тэрбум төгрөгийн төмс, хүнсний ногоо борлуулжээ
Нийслэлийн есөн дүүргийн 31 байршилд “Алтан намар-2023” төмс, хүнсний ногооны өргөтгөсөн худалдаа гарч байна.
Өргөтгөсөн худалдаа арваннэгдүгээр сарын 1-нийг хүртэл үргэлжлэх юм байна.
Тариаланчид наймдугаар сарын 2-ноос есдүгээр сарын 16-ныг хүртэлх хугацаанд ойролцоогоор гурван тэрбумын үнийн дүн бүхий 2,000 тонн төмс, хүнсний ногоо борлуулжээ.
Ил задгай орчинд худалдаа, үйлчилгээ явуулж байгаатай холбогдуулан Нийслэлийн Хүнс, хөдөө аж ахуйн газар, Нийслэлийн Эрүүл мэндийн газрын эрүүл ахуйн улсын ахлах байцаагч нар хяналт тавьдаг бол цэвэрлэгээ, үйлчилгээг худалдаа эрхлэгчид өөрсдөө болон дүүрэг бүрийн тохижилт, үйлчилгээний компаниуд хариуцаж байгаа аж.
"Алтан намар 2023" төмс, хүнсний ногооны өргөтгөсөн худалдаанд Төв, Сэлэнгэ, Өмнөговь, Дархан-Уул, Булган, Ховд зэрэг аймгийн 260 гаруй газар тариаланч оролцож байна.
Мөн "Намрын ногоон өдрүүд-Үндэсний үйлдвэрлэл" арга хэмжээ есдүгээр сарын 20-26-ны хооронд Төв цэнгэлдэх хүрээлэнд зохион байгуулж буй. Уг өргөтгөсөн худалдаанд нийслэл болон орон нутгийн 500 гаруй газар тариалан, жижиг, дунд үйлдвэрлэл эрхлэгч, 3,000 орчим нэр төрлийн бараа бүтээгдэхүүнээ дэлгэжээ.
Энд худалдаалагдаж буй хүнсний ногооны үнэ ханшийг сонирхуулбал төмс килограмм нь 1,200, лууван 1,800, ногоон сонгино 2,000-2,500, брокколи 6,000 төгрөг бол тарвас килограмм нь 1,500 төгрөг, утсан загас хэмжээнээсээ хамаараад 20,000-40,000 төгрөг байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
14 СЭТГЭГДЭЛТЭЙ
|
