CASTEL MOMENTS - Гэрэл зураг, уран зураг, дижитал зураг, гар урлал, АI зургийн уралдаан амжилттай өндөрлөлөө

Maison Castel брэндээс виноны соёл, зөв зохистой хэрэглээг бүтээлчээр олон нийтэд таниулах зорилгоор Castel Moments уралдааныг 3 дахь жилдээ амжилттай зохион байгууллаа. Гэрэл зураг, уран зураг, дижитал зураг зэрэг 3 төрлүүдэд бүтээл хүлээн авч шалгаруулдаг байсан бол энэ жил төрлөө нэмэн AI технологи болон гар урлалын төрлүүдийг нэмж өгснөөрөө онцлогтой болсон юм.

Эхний шатны шалгаруулалтыг бүтээлийн өгүүлэмж, санаа, бүтээлч байдлаар Урлаг судлалын ухааны доктор, Уран бүтээлч М.Батзориг, Гэрэл зурагчин Chayodu, Дижитал артист Г.Наранбаатар нар шүүсэн байна. Хоёрдугаар шатанд тэнцсэн бүтээлүүдийг Maison Castel MN Facebook болон Instagram хуудаснуудаар нийтлэн like, reaction, share тоогоор шилдэг бүтээлүүдийг шалгаруулсан. Эцсийн шатны шалгаруулалтыг мөн дээр дурдсан мэргэжлийн шүүгчид шүүсэн ба төрөл тус бүрд ялагчдыг тодруулсан байна.

Уран зургийн төрөлд оролцогч Г.Жамьяанпүрэвийн “Өрнөдөөс ирсэн бэлэг” бүтээл, гэрэл зургийн төрөлд А.Булганчимэгийн “Мэдрэмжээ нуулгүй илэрхийл” бүтээл, дижитал зургийн төрөлд М.Агарын “Grape-stomping girls” бүтээл, гар урлалын төрөлд Х.Алткагийн “Шилэн урлал” бүтээл, мөн AI төрөлд Б.Батзолбоогийн “Уруул дурлах амт” бүтээлүүд тус тус ялагчаар шалгарлаа.

Гэрэл зургийн төрөл: А.Булганчимэг, “Мэдрэмжээ нуулгүй илэрхийл”

 

 Уран зургийн төрөл: Г.Жамьяанпүрэв, “Өрнөдөөс ирсэн бэлэг”

 

Дижитал зургийн төрөл: М.Агар, “Grape-stomping girls”

 

Гар урлалын төрөл: Х.Алтка, “Шилэн урлал”

 

AI төрөл: Б.Батзолбоо, “Уруул дурлах амт”

 

Castel компанийн Ази, Номхон далайн орнуудыг хариуцсан захирал Монгол улсад зочилсон ба тус тэмцээний гэрэл зургийн төрөлд А.Булганчимэгийн “Мэдрэмжээ нуулгүй илэрхийл” бүтээл шилдгийн шилдэг бүтээлээр тодорч Франц улс руу аялах эрхээр шагнагдсан байна. Тус аялал нь Франц улсын Парис хот болон мөн виноны эх орон Богду хотын шилдэг шилтгээнүүдээр зочлон усан үзэм хураахаас эхлээд вино үйлдвэрлэх бүх арга техник, технологитой танилцах боломжтойгоороо онцлогтой юм.

Нийт оролцогч нартаа талархал илэрхийлье! Дараа жилийн Castel Moments уралдаанаар дахин уулзацгаая.