Хан-Уул дүүргийн 34 дүгээр сургуулийн өргөтгөлийн барилга ашиглалтад орлоо
Улсын төсвийн хөрөнгө оруулалтаар, Боловсрол, шинжлэх ухааны яамны захиалгаар Хан-Уул дүүргийн 34 дүгээр сургуулийн өргөтгөлийн барилгыг хүлээн авах улсын комиссын ажиллаж үүрэг даалгаврын биелэлтээр хүлээн авах шийдвэр гарлаа.
Өргөтгөлийн барилгад хамран сургах тойргийн буюу 4, 5, 23, 25 дугаар хорооны сурагчид суралцах болно.
Тус сургуулийн барилгын зураг төсвийг "Гандирс орд" ХХК зохиож, барилга угсралтын ажлыг "Өгөөмөр баян дэнж" ХХК гүйцэтгэсэн хэмээн Нийслэлийн Боловсролын Газраас мэдээлэв.
Нийслэлийн Хан-Уул дүүрэгт сард дунджаар 3,000 оршин суугч шилжин ирдэг байна. 2023-2024 оны хичээлийн жилд тус дүүргийн хэмжээнд 11 сургуулийн 5,599 сурагч гурван ээлжээр хичээллэх эрсдэл тулгарсан юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
2 СЭТГЭГДЭЛТЭЙ
|
