Олон нийтийн цахим сүлжээ /фэйсбүүк/-гээр болон хувь хүмүүс Европын улсуудад “өндөр цалинтай ажилд зуучилна”, “Шенгений улсын ажлын виз гаргана” зэрэг хуурамч зар түгээж, иргэдийг хохироох явдал гарсаар байна.
Тухайлбал Серби, Чех улсад ажилд зуучилна гэх хуурамч зарын дагуу иргэд бусдад хууртагдан санхүү, эд материал, сэтгэл санааны хохирол амсах тохиолдол гарч байгаа тул энэ төрлийн зар, мэдээлэлд хууртагдахгүй, сайтар нягталж байхыг сэрэмжлүүлж байна.
Гадаад улсад ажиллах хүч илгээх, гадаад улсаас ажиллах хүч авах асуудал нь дэлхийн аль ч улсын төрийн байгууллагын тусгай зөвшөөрөл шаарддаг үйл ажиллагаа юм. Гадаад улсад хөдөлмөр эрхлэх иргэд тухайн улсын холбогдох хууль журмын дагуу хөдөлмөр эрхлэх зөвшөөрөл болон визийг авсны үндсэн дээр ажил, хөдөлмөр эрхэлдэг болохыг ГХЯ-ны Консулын газраас санууллаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
8 СЭТГЭГДЭЛТЭЙ
|