Хүүхдийн спортын зуны долдугаар наадам ирэх сарын 19-29-нд Баянхонгор аймагт зохион байгуулагдана

албан ёсны цахим хуудаснаас авав.

Хүүхдийн спортын зуны VII наадмыг энэ оны зургаадугаар сарын 19-29-ны өдөр Баянхонгор аймагт зохион байгуулахаар болжээ. 

Тус тэмцээн чөлөөт бөх, жүдо бөх, бокс, сагсан бөмбөг 5х5, сагсан бөмбөгийн 3x3, уран сайхны гимнастик, хөл бөмбөг, шатар, усан сэлэлт, крикет, буудлага, хүндийн өргөлт, волейбол, самба бөх, уулын дугуй, ширээний теннис, байт харваа, ганд бол, таеквондо, спорт бүжиг гэсэн төрлөөр зохиогдох юм. 

Тэмцээний бэлгэдлээр Монгол Улсын нэн ховор амьтан болох Мазаалайг сонгосон бөгөөд хүүхдийн спортын наадмын бэлгэ тэмдэг Галхүү түүнийг дагалдах юм. Мөн тамирчдын медалийг дахин боловсруулсан түүхий эдээр хийх болсныг зохион байгуулагчдын зүгээс онцлов.

Тус спортын наадмыг Монгол Улсын засгийн газар, Олимп нийтийн биеийн тамир спортын үндэсний хороо, Биеийн тамир спортын улсын хороо, Баянхонгор аймгийн Засаг даргын тамгын газар хамтран зохион байгуулах юм.