"Улаанбурхан, гахай хавдар, улаануудын эсрэг вакцин тариулсан эсэх нь тодорхойгүй 7-15 насны хүүхдийг нэг удаа дархлаажуулна"
Сүүлийн таван жилд товлолын улаанбурхан, гахайн хавдар, улаанууд(УГУ)-ын эсрэг вакцины бүрэн тунгаас хоцорсон 69,163 хүүхэд байна.
Иймд А гепатит вирусийн эсрэг вакцинаас хоцорсон хүүхдийг нөхөн дархлаажуулалтад хамруулахыг Нийгмийн Эрүүл Мэндийн Үндэсний Төв (НЭМҮТ)-өөс зөвлөлөө.
УГУ-ын эсрэг вакцинаас хоцорсон хүүхдийг нөхөн дархлаажуулалтад хамруулахдаа:
- Хамрагдаагүй долоо хүртэлх насны хүүхдийг нэг сарын зайтай хоёр удаа.
- Тариулсан эсэх нь тодорхойгүй 7-15 насны хүүхдийг нэг удаа дархлаажуулна.
ХӨСҮТ-д улаанбурхан, гахай хавдар, улаанууд гэсэн гурван халдварт өвчний эсрэг 128,000 хүн тун вакцин бий. Уг вакцины нэг, хоёрдугаар тунд хамрагдаагүй хүүхдүүд харьяа эрүүл мэндийн байгууллагын нэгжүүдэд очиж нөхөн хийлгэх боломжтой.
Нөхөн дархлаажуулалтаас гадна нэмэлт дархлаажуулалтын аян тавдугаар сард хийгдэнэ гэдгийг ХӨСҮТ-ийн дарга Ц.Билэгтсайхан хэлж байсан.
Бага насны хүүхдийг товлолт хугацаанд нь вакцинд хамруулснаар аюултай, нас баралт өндөр тохиолддог улаанбурхан, гахайн хавдар, улаанууд өвчнөөс сэргийлэх бүрэн боломжтой.
Хүүхдийг төрмөгц товлолын дагуу вакцины эхний тунг есөн сартайд, хоёр дахь тунг хоёр настайд нь хийлгэх ёстой хэмээн ХӨСҮТ-ийн дархлаажуулалтын албаны дарга О.Дашпагма мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
8 СЭТГЭГДЭЛТЭЙ
|
