Монгол хэл бичгийн шалгалт маргааш 10:00 цагт эхэлнэ
Монгол хэл бичгийн шалгалт маргааш буюу дөрөвдүгээр сарын 22-нд улс даяар 10:00 цагт нэгэн зэрэг эхлэхийг Боловсролын Үнэлгээний Төвөөс мэдээллээ.
Уг шалгалтад оролцохоор 32,600 шалгуулагч бүртгүүлсэн бөгөөд хариу нь тавдугаар сарын 4-ний дотор гаргах юм байна.
Монгол хэл бичгийн шалгалтыг Засгийн газрын тогтоолын дагуу авдаг. Үүний гол зорилго нь монголчуудын эх хэлний дархлааны түвшинг тогтоох юм.
Энэ жил 12 дугаар ангиа төгсөх шалгуулагчид:
- иргэний үнэмлэх,
- бүртгэлийн хуудас,
- суудлын хуваариа авчрах шаардлагатай.
Өмнөх оны шалгуулагчид дээрх бичиг баримтаас гадна бүрэн дунд боловсролын гэрчилгээ шаардлагатай.
Монгол хэл бичгийн шалгалт 100 минут үргэлжилнэ. Шалгалтыг зохион байгуулахад 4,000 орчим хүн ажиллах аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
5 СЭТГЭГДЭЛТЭЙ
|
