АЙЧИ НАГОЯ 2026: Уламбаярын Сүрэнжав Азийн пара наадмын аварга боллоо
Японд үргэлжилж байгаа Азийн пара наадмын таеквондогийн төрөлд эмэгтэйчүүдийн 52 кг-ын жинд Уламбаярын Сүрэнжав алтан медаль хүртлээ.
Эмэгтэйчүүдийн K44 ангиллын 52 кг-ын жинд найман тамирчин өрсөлдөхөд У.Сүрэнжав шөвгийн наймд Индонезийн Риа Юлиантаг 15:0, 13:1-ээр илүүрхсэн бол хагас шигшээд БНХАУ-ын Шиан Шаог 2:0, 6:6-гаар ялж, шигшээд Узбекистаны Умида Мамаражабоваг 10:0, 2:0-ээр ялснаар алтан медаль хүртлээ.
Ингэснээр Азийн пара наадмын эхний өдөр Монголын шигшээ баг нэг алт, нэг мөнгө, нэг хүрэл медалиар одоогийн байдлаар медалийн чанараар наймдугаарт жагсаж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
