Д.Амарбаясгалан: "Монголын Төмөр Зам" ТӨХК-ийн үйл ажиллагаа, орон тоонд шалгалт оруулна
Засгийн газрын хуралдаанаас гарсан шийдвэрийг өнөөдөр танилцууллаа.
Ерөнхий сайд "Монголын Төмөр зам" ТӨХК-ийг шалгах чиглэл өгчээ. Энэ талаар ЗГХЭГ-ын дарга Д.Амарбаясгалан хариулав.
Тэрбээр "Монгол Улсын хэмжээнд төрийг төлөөлж үйл ажиллагаа явуулж буй хоёр компани байгаа. Өнгөрсөн оны аравдугаар сард Засгийн газрын шийдвэрээр Зүүнбаян, Гашуунсухайт төмөр замыг "Монголын Төмөр Зам" ТӨХК-д нэгтгэх шийдвэр гаргасан. Одоогийн байдлаар тус компанид 500 гаруй албан хаагч ажиллаж, үйл ажиллагааг явуулж байна.
Гэхдээ "Монголын Төмөр Зам" ТӨХК-ийн онцлог нь бүрэн ашиглалтад орсон төмөр зам байхгүй, тээвэр, үйл ажиллагаа явуулдаггүй. Гэвч 500 гаруй ажилтантай ямар үйл ажиллагаа байна вэ, зохимжтой орон тоо байна уу гэдэг дээр шалгалт явуулах чиглэл өгсөн" хэмээн ярив.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
11 СЭТГЭГДЭЛТЭЙ
|
