ШИНЖЭЭЧ: "Алтай групп" ХХК ₮20 тэрбумын зээл авч, ₮19.7 тэрбумыг бэлнээр зарлагадсан учир зарцуулалтыг нягтлах боломжгүй
Хөгжлийн Банкны хянан шалгах түр хорооноос зохион байгуулж буй нотлох баримтыг шинжлэн судлах сонсголд Экспортыг дэмжих, импортыг орлох үйлдвэрлэлийн 888 төслийн зээлийг хэлэлцэж байна.
Шинжээч дүгнэлтдээ "Ташгай тариалангийн төслийг "Алтай групп" ХХК хэрэгжүүлэхээр 20 тэрбум төгрөгийн зээл авсан байна. Тус группийн 80 хувийн хувьцааг Алтай Констракшн, 20 хувийг иргэн Х.Бат-Эрдэнэ эзэмшдэг байна.
Төсөлд санхүүжүүлсэн 20 тэрбум төгрөгөөс 19.7 тэрбум төгрөгийг бэлнээр зарлагадсан тул зарцуулалтыг цааш нягтлах боломжгүй.
Түүнчлэн Дорнод аймгийн Халхгол суманд гурилын үйлдвэр байгуулах төсөлд Аж үйлдвэрийн яамнаас 2016 онд 30 тэрбум төгрөгийг дамжуулан зээл авсан.
Хамаарал бүхий "Монгол Драй милк" компани нь 14.96 сая ам.доллар буюу 36.1 тэрбум төгрөгтэй тэнцэх зээл авсан байна. Нийт дамжуулан болон шууд зээлээр 86.1 тэрбум төгрөгийг олгосон. Тус компанийн өрийн үлдэгдэл, ханшийн өсөлт, хүүгийн хуримтлалтайгаа нийлээд 76.1 тэрбум төгрөг болсон" гэв.
ШУУД ҮЗЭХ:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
12 СЭТГЭГДЭЛТЭЙ
|
