“Ханбогд кашмер” ХХК ₮25 тэрбумын зээл авч, ₮8 тэрбумыг хадгаламжид байршуулж, ₮13 тэрбумаар нь өмнөх зээлээ хаажээ
Хөгжлийн Банкны үдээс хойших сонсголоор "Ноолуур хөтөлбөр 2019"-ийн зээлийг хэлэлцэж байгаа юм.
Хөтөлбөрийн хүрээнд 14 дэд зээлдэгчид 65.06 тэрбум төгрөгийн санхүүжилт олгосон нь бүрэн төлөгджээ.
Зээлтэй холбогдуулан гурван иргэнийг гэрчээр дуудсан ч хоёр нь ирсэн байна.
Шинжээч "Голомт банкны дэд зээлдэгч "ОСИН" ХХК нь 2023 оны нэгдүгээр сарын 31-ний өдрийн байдлаар 1.8 тэрбум төгрөгийн зээлийн өрийн үлдэгдэлтэй гэх зөрчил үүссэн.
Тус компанийн 100 хувийн хувьцаа эзэмшигч нь П.Бат-Оч бөгөөд Ерөнхийлөгчийн Тамгын Газрын дарга асан Пунцагийн Цагааны дүү юм.
2019 оны долдугаар сард 12 тэрбум төгрөгийн зээл авах үедээ "ОСИН" ХХК нь Голомт банканд муу зээлийн үлдэгдэлтэй байсан бөгөөд эрсдэлтэй гэсэн үнэлгээтэй байхад нь зээлийг санхүүжүүлсэн байна.
Зээлдэгч нь "Ноолуур хөтөлбөр"-ийн санхүүжилтээс 10.2 тэрбум төгрөгөөр нь өмнөх зээлээ хаасан байна" гэв.
Үргэлжлүүлэн шинжээч "Ханбогд кашмер"-ийн авсан зээлийн зөрчлийн талаар танилцууллаа.
Зээлдэгч нь "Ноолуур хөтөлбөр 2019"-ийн хүрээнд 25 тэрбум төгрөгийн зээлийн санхүүжилт авснаас найман тэрбум төгрөгийг хадгаламжид байршуулж, 13 тэрбум төгрөгөөр өмнөх зээлээ хааж, зориулалтын дагуу ашиглаагүй зөрчил үүсгэсэн" гэж ярилаа.
ШУУД ҮЗЭХ:
