ЦЕГ: Хөргөгч, телевизор зэрэг эд зүйлээ хулгайд алдсан хохирогчийг хайж байна
Хан-Уул дүүргийн 14 дүгээр хороонд байрлах иргэн “М”-ийн өвлийн сууцанд нэвтрэн орж, эд зүйл хулгайлсан гэмт хэрэгт сэжигтэй этгээдийг тогтоон шалгалтын ажиллагааг явуулж байна.
Шалгалтаар уг этгээдээс Sony Bravia загварын 43 инч, MI загварын 55 инч, Samsumg загварын 43 инчийн нийт гурван ширхэг телевизор, Hitachi брэндийн нэг ширхэг хөргөгч, Мedia брэндийн богино долгионы зуух нэг ширхэг, LG брэндийн тоос сорогч нэг ширхэг, долоон ширхэг мөнгөн аяга /дунд гарын-4, бага гарын 3/ эд зүйлсийг хураан авсан. Эдгээр эд зүйлсийн хохирогч тогтоогдоогүй байна.
Иймд дээрх эд зүйлсийг хулгайд алдсан иргэд Хан-Уул дүүргийн цагдаагийн газрын хоёрдугаар хэлтсийн 88103211 дугаарын утсаар холбогдоно уу хэмээн цагдаагийн байгууллагаас мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
