• 12 сарын 25, Лхагва
|
Уншиж байна ...
Зураг
Зураг
ХУУЧИРСАН МЭДЭЭ: 2022/07/11-НД НИЙТЛЭГДСЭН

Хүчит бөхийн барилдааны баруун, зүүн жигүүрийг дархан аварга Б.Бат-Эрдэнэ, Г.Өсөхбаяр нар тэргүүлж байна

Б.МАНЛАЙ, IKON.MN
2022 оны 7 сарын 11
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Ардын хувьсгалын 100, 101 жилийн ой, Үндэсний их баяр наадмын хүчит бөхийн барилдааны нэгийн даваа эхэллээ.

Энэ жил улс байгуулагдсаны болон Ардын хувьсгалын тэгш ой тохиож буй тул 1,024 бөх хүчит бөх бяр чадлаа сорино. Хүчит бөхийн барилдааны баруун, зүүн жигүүрийг Хөдөлмөрийн баатар, гавьяат тамирчин, дархан аварга Б.Бат-Эрдэнэ, дархан аварга Г.Өсөхбаяр нар тэргүүлэн Төв цэнгэлдэхийн ногоон дэвжээнээ гарч ирлээ. Уг нь улсын наадамд аварга А.Сүхбат барилдахаар эрэмбэлэгдээд байсан ч татгалзсан мэдээлэл байна.

зураг
 
Гэрэл зургийг MPA агентлагийн онцгой зөвшөөрөлтэйгөөр ашиглав

Түүнчлэн Тува улсын 15, Халимагын 4, Буриадын 4, Өвөр Монголын хоёр бөх Монголын үндэсний их баяр наадмын бөхийн барилдаанд хүч үзнэ.

Улсын баяр наадмын үндэсний бөхийн барилдааны хоёр бөхийн барилдаан үргэлжлэх үндсэн хугацааг дараах байдлаар тогтоожээ.

  1. Нэгээс дөрвийн даваа тус бүр 15 минут
  2. Таваас арвын даваа тус бүр 20 минут.
Наадамчин олон, баяр наадмыг үл хүндэтгэх, төрийн ёслол, зан уламжлалыг зөрчсөн үйлдэл хийсэн, учраа бөхөө санаатай гэмтээх тохиолдолд тухайн бөхийн барилдах эрхийг хоёр жил хүртэлх хугацаагаар хасах дүрэмтэй байна.