Өмнөд Солонгосын хоёр компани Инчон-Улаанбаатарын чиглэлд нислэг үйлдэх зөвшөөрлөө авчээ

Өмнөд Солонгосын зах зээлд хямд үнээр тэргүүлдэг хоёр авиа компани Монгол Улсын нийслэл Улаанбаатарын чиглэлд нислэг үйлдэх зөвшөөрлөө өчигдөр авчээ.

Тухайлбал Jeju Air компани долоо хоног бүр дөрөв, T’way компани гурван удаа Улаанбаатар-Инчоны чиглэлд зургаагаас есдүгээр сарын хооронд нислэг үйлдэх болсныг тус улсын тээврийн яам Пүрэв гарагт мэдээлсэн байна.

Одоо Улаанбаатар-Инчоны чиглэлд Korean Air, Asiana Airlines компаниуд долоо хоногт тус бүр зургаа ба гурван удаа нислэг үйлдэх эрхтэй байгаа.

Өчигдөр Өмнөд Солонгосын тээврийн яам дээрх хоёр компанийн долоо хоногт үйлдэх нислэгийн тоог тус бүр нэгээр нэмэгдүүлэхээр шийдвэрлэжээ.

Эх сурвалж: Yonhap News