"Тахилт Хайрхан Транс" ХХК Тээвэр зууч, логистикийн салбарын шилдэг Энтрепренерээр шалгарлаа

Монгол Улсын нийгэм, эдийн засгийн хөгжилд бодитой хувь нэмэр оруулж буй оны онцлох ААН, байгууллага, бизнес эрхлэгчдийг бизнесийн төлөөллийн байгууллага МҮХАҮТ-аас жил бүр шалгаруулдаг. Бизнесийн салбарын нэр хүндийг тодорхойлж, оны онцлохуудыг өргөмжилдөг тус хүндэтгэлийн ёслол "Entrepreneur-2021” 24 дэх удаагаа боллоо.

Оны онцлох  ААН-ийн нэгээр “Тахилт Хайрхан Транс“ ХХК Тээвэр зууч, логистикийн салбарын шилдэг Энтрепренерээр шалгарлаа. Тахилт Хайрхан Транс ХХК нь Монгол улсын уул уурхайн салбарт экспортыг шинэ гарцыг бий болгох цаашлаад уул уурхайн бүтээгдэхүүнийг олон улсын зах зээлд гаргах дэд бүтцийн төслийг хэрэгжүүлдэг бөгөөд цар тахлын хүнд үед 1000 гаруй ажлын байрыг шинээр бий болгож бүтээн байгуулалтын ажлыг амжилттай хэрэгжүүлж байна.

 

Цар тахлын улмаас өнгөрсөн жил өнжсөн уг үйл ажиллагаа, шалгаруулалтаар энэ оны онцлох 10 аж ахуйн нэгжийг тодруулахын зэрэгцээ тодорхой салбарын ENTREPRENEUR, GREENPRENEUR номинацаар шилдгүүдийг мөн шалгаруулав.