Гашуунсухайт-Ганцмод боомтын хил дамнасан төмөр замыг холбоход баримтлах үндсэн чиглэлийн тогтоолын төслийг соёрхон баталлаа

УИХ-ын чуулганы үдээс хойших хуралдаанаар доорх гурван тогтоолын төслийн эцсийн найруулгыг сонсож, соёрхон баталлаа. 

• “Монгол Улсын Засгийн газар, Бүгд Найрамдах Хятад Ард Улсын Засгийн газар хооронд Гашуунсухайт-Ганцмод боомтын хил дамнасан төмөр замын бүтээн байгуулалтыг хэрэгжүүлэх хэлэлцээрийг байгуулахад баримтлах үндсэн чиглэл батлах тухай” Улсын Их Хурлын тогтоолын төсөл
• Европын сэргээн босголт, хөгжлийн банк үүсгэн байгуулах тухай хэлэлцээрт оруулсан нэмэлт, өөрчлөлтийг хүлээн зөвшөөрч, соёрхон батлах тухай хуулийн төсөл
• “Монгол Улсын Улаанбаатар хотын Дулааны гуравдугаар цахилгаан станцын өргөтгөл, шинэчлэлийн төслийн зураг төсөл боловсруулах тухай Монгол Улсын Засгийн газар, Оросын Холбооны Улсын Засгийн газар хоорондын хэлэлцээр”-ийг соёрхон батлах тухай хуулийн төсөл

Төмөр замын хил холболтын асуудалтай холбогдуулан сайд нар дараах байх суурийг илэрхийлэв.

Зам, тээврийн сайд Б.Дэлгэрсайхан: Ганцмод боомт хөгжиж байгаа нь үнэн. Гашуунсухайт боомт хөгжинө. Бид өнгөрсөн жил хот тосгоны засаг захиргааны тухай хуулийг баталсан. Үүний дагуу Гашуунсухайт боомт тосгон болж хөгжинө. Өнөөдрийн байдлаар тус боомтод 10-15 мянган хүн амьдарч байна. 

Ойролцоогоор нүүрс тээврийн 7,800 машин явж, 3,500 жолооч ажиллаж байгаа. Цаашдаа жолоочийн тоог нэмнэ. Төмөр замаа холбосон ч машинаар нүүрс тээвэрлэх тоо хэмжээг бууруулахгүй. Тиймээс ажлын байр алдагдахгүй. Энэ боомтод хүн амьдрах боломж бий үүсгэх, төрийн үйлчилгээг хүргэх ажлыг 2025 оны зургаадугаар сараас эхлүүлнэ.

Аж үйлдвэр, эрдэс баялгийн сайд Ц.Туваан: Бид бартераар нүүрс худалдахгүй. Нүүрсээ мөнгөөр зарна. Нөгөө талаас та бүхэн БНХАУ-ын дөрвөн компанитай нүүрс борлуулж буй үнээр өгчих гэсэн нөхцөлийг санал болгож байгаа. Энэ үнийг тогтоохдоо суурь үнэ дээр нэмэх нь БНХАУ-ын таван боомтын нүүрсний борлуулалтын индексийг хувьчилж гаргадаг. Улирал тутамд нүүрсний хөдөлж байдаг. 

Эрдэнэс Тавантолгой дээд хүчин чадлаараа ажиллаад жилд 30 сая тонн нүүрсний олборлолт хийж байгаа. Иймд 2030 оноос нүүрс олборлолтыг 20 сая тонноор нэмэхийн тулд хоёр шинэ амыг нээж ажиллуулна. Шинээр нээгдэх ам нь бусадтайгаа ойролцоо өртөгтэй байна.