Ерөнхий сайд Л.Оюун-Эрдэнэ өнөөдөр үе үеийн Засгийн газрын тэргүүнүүдтэй уулзаж, цаг үеийн асуудлаар санал солилцоно
Ерөнхий сайд Л.Оюун-Эрдэнэ өнөөдөр үе үеийн Ерөнхий сайд нартай уулзаж, цар тахлын үеийн эдийн засаг, эдийн засгийг эрчимжүүлэх Шинэ сэргэлтийн бодлого болон инфляц, тээвэр ложистик, гадаад харилцаа зэрэг цаг үеийн асуудлаар мэдээлэл хийж, Засгийн газрын тэргүүнээр ажиллаж асан эрхмүүдтэй санал солилцохоор төлөвлөөд буй.
Засгийн газрын ХМХГ-аас өгсөн мэдээллээр уулзалтад 1990 оноос хойш ажиллаж байсан Ерөнхий сайд нар уригдсан бөгөөд гадаадад байгаа Ч.Сайханбилэгээс бусад Засгийн газрын тэргүүнүүд энэхүү уулзалтад очихоор болсон байна. Мөн түүний өмнөх Ерөнхий сайд буюу одоогийн Ерөнхийлөгч У.Хүрэлсүх Шотландын Глазгоу хотноо болж байгаа НҮБ-ын Уур амьсгалын өөрчлөлтийн эсрэг дээд хэмжээний чуулганд оролцож буй.
1990 оноос хойш Монгол Улсын Засгийг 16 Ерөнхий сайд тэргүүлж байжээ. Тэднээс Ц.Элбэгдорж, С.Баяр нар хоёр удаа уг албыг хашиж байв.
График. 1990 оноос хойших Ерөнхий сайд нар ба Засгийн тэргүүнээр ажилласан хугацаа
