• 12 сарын 14, Ням
|
Уншиж байна ...
ХУУЧИРСАН МЭДЭЭ: 2025/06/06-НД НИЙТЛЭГДСЭН

"Chinggis Warriors" баг анх удаа оролцсон ДАШТ-ээ 25-27 дугаар байрт бичигдэж өндөрлүүллээ

Н.Эрхбаяр, iKon.mn
2025 оны 6 сарын 6
iKon.MN
Зураг зураг

Counter Strike-2 (CS2) тоглоомын энэ оны эхний Дэлхийн Аварга Шалгаруулах Тэмцээн (ДАШТ) буюу "BLAST.tv Austin Major 2025"-ий нэгдүгээр шатны тоглолтууд дөрөв дэх өдрөө АНУ-ын Остин хотод үргэлжилж байна.

Өнгөрсөн шөнө манай улсын "Chinggis Warriors" баг тус шатны дөрөв дэх тоглолтоо Хятадын "Lynn Vision Gaming" багийн эсрэг хийж, 1:2 онооны харьцаатай ялагдлаа.

Энэ тоглолтод манай баг өөрсдийнхөө сонгосон "Inferno map" дээр 9:13-аар хожигдсон бол Хятадын багийн сонгосон "Nuke map" дээр 13:10-аар хожсон. Улмаар шийдвэрлэх "Ancient map" дээр нэмэлт үе гаргаж, 13:16 онооны харьцаатай ялагдал хүлээсэн юм. 

Ийнхүү "Chinggis Warriors" баг гурван удаа хожигдсоноор энэ удаагийн ДАШТ-ийг эхний шатнаас өндөрлүүлж байна.  Түүнчлэн "BLAST.tv Austin Major 2025" тэмцээнд 25-27 дугаар байрт бичигдэж, 5,000 ам.долларын шагнал хүртэх юм. Одоогоор тэд дэлхийн чансааны 37 дугаар байрт эрэмбэлэгдэж байгаа Монголоос анх удаа хоёр баг ДАШТ-д оролцсон тохиолдол энэ байв.

Харин "The MongolZ" баг энэ удаагийн дэлхийн аваргыг гурав дахь буюу шөвгийн 16 багийн шатнаас эхлүүлж байгаа. Тэд зургаадугаар сарын 13-ны шөнийн 01:30 цагт хоёрдугаар шатнаас дэвшиж гарч ирсэн аль нэг багтай нь "Во1" (нэг "map"-аар ялагчийг тодруулах) журмаар тоглоно.