Налайхын нүүрсний үнэ нэмэгджээ
Энэ жил Налайхын нүүрсний олборлолт өмнөх жилүүдтэй харьцуулахад бага байгаа аж.
Өнгөрсөн хоногуудад хүйтний эрч чангарсны улмаас Налайхын нүүрсний үнэ нэмэгджээ.
Одоогоор тусгай шалтгаанаар арав гаруй нүүрсний амыг хаагдаад байгаа бөгөөд олон жил ашигласан уурхайнууд нүүрсээ гүнээс олборлож байгаа зэрэг нь үнэ нэмэгдэх шалтгаан болж байгаа гэнэ.
Улаанбаатарт л гэхэд өндөрлөгөөтөй портер машин нүүрс 250-260 мянган төгрөг, өндөрлөгөөгүй машин нүүрс нь 170-180 мянган төгрөг байна.
Түүнчлэн хаана хүргүүлж буулгахаас шалтгаалан 10 мянган төгрөгийн хэлбэлзэлтэй байдаг аж.
Харин жижиглэнгээр худалдаалж байгаа Налайхын гэх тодотголтой нүүрс шуудай нь 500 төгрөгөөр нэмэгджээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
1 СЭТГЭГДЭЛТЭЙ
|
