Монгол Улсын хөдөлмөрийн баатар, сансрын нисгэгч М.Ганзориг таалал төгсжээ
Монгол Улсын хөдөлмөрийн баатар, сансрын нисгэгч, Шинжлэх ухааны гавьяат ажилтан Майдаржавын Ганзориг 2021 оны долдугаар сарын 4-ний өдөр таалал төгсжээ.
Тэрбээр Зөвлөлт-Монголын сансрын хамтарсан нислэгт бэлтгэж Ю.А.Гагарины нэрэмжит сансрын нисгэгчдийн бэлтгэл сургуулийг дүүргэж, “Союз”” хөлөг тойрог замын Салют станцын сансрын нисгэгч, шинжлэн судлаач болсон билээ.
1981 онд БНМАУ-ын Ардын Их Хурлын Тэргүүлэгчдийн зарлигаар “Сүхбаатарын одон” БНМАУ-ын сансрын нисгэгч цол, 2001 онд Хөдөлмөрийн гавьяаны улаан тугийн одон, 2006 онд Монгол Улсын ШУ-ны гавьяат зүтгэлтэн цол, 2011 онд Хөдөлмөрийн баатар цолоор тус тус шагнагдаж, Монголын шинжлэх ухааны салбарт үнэтэй хувь нэмэр оруулсан юм.
Талийгаачийн гэр бүл, үр хүүхдүүд, төрөл төрөгсдөд гүн эмгэнэл илэрхийлье.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
