Tomorrowland зэрэг томоохон фестивалиудын туршлагатай гэрэлтүүлэг, дүрслэлийн уран бүтээлчид Playtime-д ажиллана

- Фестивалийн тайзан дээр эгшиглэх хөгжмийг үзэгчид бүх мэдрэхүйгээрээ хүлээн авч, тухайн мөчид бүрэн автахад тайзны гэрэлтүүлэг, орон зайн шийдэл, визуал дүрслэл, техникийн гүйцэтгэл, системийн найдвартай ажиллагаа асар чухал үүрэгтэй байдаг. Иймд “Playtime Festival 2026” энэ жил дэлхийн хэмжээний фестиваль, тайзны урлаг, гэрэлтүүлэг, дүрслэлийн чиглэлээр ажилладаг олон улсын уран бүтээлчид болон продакшн багуудтай хамтран ажиллахаар болжээ. Дэлхийн нэр хүндтэй фестивалиуд, томоохон тоглолтууд болон урлагийн төслүүдэд оролцож байсан туршлагатай тэдгээр олон улсын уран бүтээлчид, продакшн багуудыг танилцуулж байна.  IKON.MN М.Батчимэг 

Jiro Endo
PLAYTIME 2026
Азийн хамгийн том хөгжмийн фестивалиудын нэг "Big Mountain"-н дизайны удирдагч

Playtime фестивалийн орон зайн найруулагчаар Jiro Endo болон түүний үүсгэн байгуулсан SOIHOUSE студи ажиллаж байгаа бөгөөд тэрбээр Азийн хамгийн том хөгжмийн фестивалиудын нэг болох Тайландын Big Mountain Music Festival-ийн дизайны удирдагчаар 10 жилийн турш ажилласан туршлагатай аж.

Jiro Endo нь Кенийн Kaleidoscope Festival, Бангладешийн Burningcrab Festival, Вьетнамын UNMUTE Hanoi зэрэг олон улсын фестиваль болон клубын төслүүд дээр ажилласан бөгөөд 2025 оны Osaka-Kansai Expo-ийн “Future of Life” павильоны архитектурын удирдагчаар ажиллан “Good Design Award 2025” шагналыг хүртжээ.

SOIHOUSE
Электрон хөгжмийн фестивалийн хамгийн өвөрмөц, шинэлэг тайзны бүтээлийг бүтээгч

Мөн тэрээр дэлхийд танигдсан Wonderfruit Festival-ийн “The Quarry” тайзны орон зай, гэрэлтүүлэг, дүрсний шийдэл, лазер болон дууны системийн концепцыг анхны жилээс нь эхлэн хөгжүүлж иржээ. Тус тайз нь олон улсын электрон хөгжмийн фестивалийн хамгийн өвөрмөц, шинэлэг тайзны бүтээлүүдийн нэгт тооцогддог байна.

Rene van Dijk
PLAYTIME 2026
Дэлхийн хэмжээний хөгжмийн фестиваль, тайзны дүрслэл, орон зайн бүтээлүүдээрээ танигдсан баг

Фестивалийн тайзны дүрслэл, орон зайн шийдэл болон шоуны визуал хэсэгт уран бүтээлч Rene van Dijk-ийн үүсгэн байгуулсан Мөн Амстердамд төвтэй rene.studio баг ажиллах юм байна.

Тус студи нь дэлхийн хэмжээний хөгжмийн фестиваль, бүжгийн арга хэмжээний тайзны дүрслэл, орон зайн бүтээлүүдээрээ танигджээ.

Тухайлбал:
— Tomorrowland presents: CORE
— Charlotte de Witte World Tour
— Rave Rebels
— Louis Vuitton Men’s FW24 зэрэг олон улсын хэмжээний фестиваль, тоглолт, шоу багтдаг байна.

rene.studio
PLAYTIME 2026

rene.studio нь аварга LED бүтэц, синхрон хөдөлгөөнт систем, байгалийн материал ашигласан тайзны хийц, хөдөлгөөнт дүрслэл зэргийг хослуулан үзэгчдэд шинэ мэдрэмж, шинэ орон зай бий болгодог онцлогтой аж

Томас, Роберт де Вриес
PLAYTIME 2026

Техникийн гүйцэтгэл, системийн найдвартай ажиллагааг олон улсын туршлагатай системийн инженерүүд болон Томас болон Роберт де Вриес нар ханган ажиллах аж.

Ийнхүү Playtime Festival 2026 нь уран бүтээлчдийн бүрэлдэхүүнээс гадна продакшн, тайзны шийдэл, визуал орчны хувьд ч бүрэн утгаараа олон улсын түвшний фестиваль болох зорилгодоо хүрч байна гэдгийг зохион байгуулагчид онцлоод байгаа юм.