З.Отгондулам: Foodex Mongolia 2026 хүнсний салбарын хөгжлийг нэгтгэх томоохон платформ

Дэлхийн улс орнуудын худалдаа, эдийн засгийн хамтын ажиллагаа эрчимтэй өргөжин хөгжиж буй энэ үед хүнсний үйлдвэрлэл, хүнсний хангамжийн тогтвортой байдал, инновац, бүтээгдэхүүний чанар нь улс орнуудын хөгжлийн чухал үзүүлэлт болоод байна.

Энэ хүрээнд Монгол Улсын хүнс, хүнсний үйлдвэрлэлийн салбарын томоохон арга хэмжээ болох "Foodex Mongolia 2026" олон улсын хүнс, ундааны үзэсгэлэн 2026 оны 09 дүгээр сарын 04-06-ны өдрүүдэд Мишээл Экспо олон улсын үзэсгэлэнгийн төвд зохион байгуулагдах гэж байна.

Тус үзэсгэлэнгийн талаар Экспо Монгол ХХК-ийн захирал З.Отгондуламтай ярилцлаа.

 

– Foodex Mongolia 2026 олон улсын үзэсгэлэнгийн талаар танилцуулахгүй юу?

Foodex Mongolia 2026 нь хүнс, хүнсний үйлдвэрлэл, сав баглаа боодол, тоног төхөөрөмж, хүнсний үйлчилгээ болон холбогдох салбарын байгууллагуудыг нэг дор цуглуулдаг олон улсын хэмжээний үзэсгэлэн юм. Энэхүү арга хэмжээ нь зөвхөн бүтээгдэхүүн, үйлчилгээ танилцуулах талбар төдийгүй бизнесийн хамтын ажиллагаа өргөжүүлэх, шинэ технологи нэвтрүүлэх, салбарын хөгжлийн чиг хандлагыг тодорхойлох платформ болж хөгжиж байна.

– Монголын хүнсний салбарын өнөөгийн хөгжлийг та хэрхэн дүгнэж байна вэ?

Сүүлийн жилүүдэд Монголын хүнсний үйлдвэрлэлийн салбар мэдэгдэхүйц өсөлттэй хөгжиж байна. Үндэсний үйлдвэрлэгчид бүтээгдэхүүний чанар, аюулгүй байдал, сав баглаа боодол, брэнд хөгжүүлэлтэд илүү анхаарч эхэлсэн нь зах зээлийн өрсөлдөх чадварыг нэмэгдүүлж байна.

Нөгөө талаас хэрэглэгчдийн эрэлт хэрэгцээ улам нарийсаж, эрүүл хүнс, органик бүтээгдэхүүн, тогтвортой үйлдвэрлэл зэрэг чиглэлүүд илүү чухал болж байна. Энэ өөрчлөлтөд дасан зохицохын тулд байгууллагууд мэдээлэл, туршлага, шинэ технологид тогтмол хөрөнгө оруулах шаардлагатай болсон.

– Foodex Mongolia 2026 үзэсгэлэнгийн гол зорилго юу вэ?

Үзэсгэлэнгийн гол зорилго нь салбарын байгууллагуудыг нэгтгэж, бизнесийн хамтын ажиллагааг дэмжих, шинэ бүтээгдэхүүн, технологи, инновацлаг шийдлүүдийг танилцуулахад оршиж байгаа юм.

Мөн дотоодын үйлдвэрлэгчдийн өрсөлдөх чадварыг нэмэгдүүлэх, олон улсын байгууллагуудтай харилцаа холбоо тогтоох, экспортын боломжийг өргөжүүлэхэд бодит хувь нэмэр оруулахыг зорьж байна.

– Энэ жилийн үзэсгэлэнгийн онцлог юу байх вэ?

Энэ жилийн хувьд оролцогчдын хүрээ илүү өргөжин тэлж байна. Дотоодын үйлдвэрлэгчдээс гадна олон улсын байгууллагуудын оролцоо нэмэгдэж байгаа нь салбарын хамтын ажиллагааг шинэ түвшинд гаргах боломжийг бүрдүүлж байна.

Түүнчлэн үзэсгэлэнгийн хүрээнд бизнес уулзалт, сургалт, семинар, хэлэлцүүлэг, бүтээгдэхүүний танилцуулга зэрэг олон талт арга хэмжээг зохион байгуулна.

– Үзэсгэлэнд ямар байгууллагууд оролцох боломжтой вэ?

Foodex Mongolia 2026 үзэсгэлэнд сүү, сүүн бүтээгдэхүүн, үр тариа, гурилан бүтээгдэхүүн, мах, махан бүтээгдэхүүн, жимс, хүнсний ногоо, ундаа, органик бүтээгдэхүүн, амттан, сав баглаа боодол, хүнсний үйлдвэрлэлийн тоног төхөөрөмж, үйлчилгээний байгууллагууд зэрэг хүнсний салбарын бүхий л чиглэлийн байгууллагууд оролцох боломжтой.

Өнөөдрийн байдлаар дотоодын томоохон үйлдвэрлэгчдээс гадна олон улсын байгууллагууд бүртгэлээ баталгаажуулаад байна.

– Оролцогч байгууллагуудад ямар бодит боломжууд нээгдэх вэ?

Үзэсгэлэнд оролцсоноор байгууллагууд шинэ харилцагчтай болох, бүтээгдэхүүн үйлчилгээгээ зорилтот хэрэглэгчдэд хүргэх, брэндийн танигдах байдлаа нэмэгдүүлэх, зах зээлийн эрэлт хэрэгцээг судлах зэрэг олон боломжийг олж авдаг.

Үүнээс гадна нийлүүлэлтийн сүлжээний шинэ түншүүдтэй холбогдох, бизнесийн хамтын ажиллагаа эхлүүлэх, экспортын шинэ боломжуудыг эрэлхийлэх нөхцөл бүрддэг.

– Яагаад хүнсний салбарын байгууллагууд энэхүү үзэсгэлэнд заавал оролцох ёстой гэж?

Өнөөдөр өрсөлдөөн зөвхөн бүтээгдэхүүний түвшинд биш, харин мэдээлэл, харилцаа холбоо, брэндийн үнэ цэнээр хэмжигдэх болсон. Ийм нөхцөлд байгууллагууд өөрсдийгөө зах зээлд зөв байршуулж, хэрэглэгч болон бизнесийн түншүүдтэйгээ шууд харилцах боломжийг эрэлхийлж байна.

Foodex Mongolia 2026 нь энэ бүх боломжийг нэг дор бүрдүүлж байгаа учраас салбарын байгууллагуудын хувьд стратегийн ач холбогдолтой арга хэмжээ гэж үзэж байна.

– Цаашид Foodex Mongolia-г ямар хэмжээнд хөгжүүлэх зорилготой байна вэ?

Бид Foodex Mongolia-г зөвхөн үзэсгэлэн бус, Монголын хүнсний салбарын хөгжлийг нэгтгэдэг олон улсын түвшний платформ болгох зорилготой ажиллаж байна. Цаашид олон улсын оролцоог нэмэгдүүлэх, экспортын хамтын ажиллагааг дэмжих, Монголын үйлдвэрлэгчдийг бүс нутгийн болон дэлхийн зах зээлтэй холбох чиглэлд илүү анхаарах болно.

– Үзэсгэлэнг сонирхож буй байгууллага, иргэдэд хандаж юу хэлэх вэ?

Бид хүнсний салбарын үйлдвэрлэгчид, импортлогчид, нийлүүлэгчид болон үйлчилгээний байгууллагуудыг Foodex Mongolia 2026 үзэсгэлэнд оролцохыг урьж байна.

Мөн үзэсгэлэн олон нийтэд үнэ төлбөргүй нээлттэй байх тул иргэд хүнсний салбарын шилдэг бүтээгдэхүүн, үйлчилгээ, инновацлаг шийдлүүдтэй танилцаж, салбарын хөгжлийг нэг дороос харах боломжтой юм.

Холбоо барих:
Утас: (976) 7777 3010
И-мэйл: conference@minex.mn
Facebook хуудас: www.facebook.com/foodexmongolia