Мбаппе, Халанд тус бүр хоёр гоол оруулав

Э.Тэмүүлэн, iKon.mn
1 минутын өмнө
IKON.MN
Зураг зураг

Анх удаа гурван улсад болж байгаа Хөлбөмбөгийн Дэлхийн Аварга Шалгаруулах Тэмцээн (ДАШТ)-ий хэсгийн шатны тоглолтууд үргэлжилж байна.

I хэсэгт учраа таарсан Франц, Норвегийн багууд өрсөлдөгчөө буулган авснаар шигшээ 32-т үлдэх нь тодорхой болов. 

Францчууд Ази тивийн төлөөлөл Иракийг 3:0-ээр буулган авахад багийн лидер Кильян Мбаппе хоёр гоол оруулснаар ДАШТ-д нийт 16 гоолтой боллоо.

зураг
 
зураг
 
Энэ тоглолтын үеэр дуу, цахилгаантай аадар бороо орсны улмаас тоглолтыг түр завсарлахад хүргэсэн юм. АНУ-ын хуулиар аюулгүй байдлын үүднээс тоглолт явагдаж буй цэнгэлдэхийн ойр орчимд ойролцоогоор 13 км радиуст аянга ниргэсэн бол 30 минут тоглолт, аливаа арга хэмжээг түр хойшлуулдаг журамтай. Хэрвээ дээрх хугацаанд байгалийн үзэгдэл дахин давтагдвал хугацааг дахин 30 минутаар хойшлуулдаг аж.

Үүний улмаас тоглолтын хоёрдугаар хагас түр саатсан байна.

зураг
 

Тэгвэл I хэсэгт багтсан Норвеги Африк тивийн төлөөлөл Сенегалыг 3:2-оор илүүрхлээ. Багийн лидер Эрлинг Халанд 48, 58 дахь минутад гоолдсон бол сэлгээнээс талбайд гарсан Маркус Педерсен 43 дахь минутад эсрэг багийн хаалгыг мялаасан юм. 

Харин Сенегалаас Исмайла Сарр хоёр гоол оруулсан ч хангалтгүй байв.

Ийнхүү Л.Мессигийн таван гоолын араас Франц, Норвегийн залуу лидерүүд дөрвөн гоолтойгоор мэргэн буучдын жагсаалтад нэхэж явна.