КОВИД-19-ийн халдвартай иргэдийг эмчлэх орны нөөц дууссан уу?
Сүүлийн хоногт улсын хэмжээнд коронавируст халдварын 394 тохиолдол батлагдаж тэдний дөрөв нь л эмнэлэгт хэвтжээ.
Тэгэхээр бусад 390 хүн гэртээ эмчлүүлж байгаа болж таарах нь.
ЭМЯ-наас 2,100 гаруй ор бэлтгэсэн гэх мэдээллийг гуравдугаар сарын 25-нд өгч байсан. Үүнийг дотор нь өвчтөний биеийн байдлын зэргээр нь ангилж, хуваарилсан гэдгийг хэлж байв. Тодруулбал,
- Хөнгөн өвчтөнийг эмчлэх 1,600 гаруй ор,
- Хүндэвтэр өвчтөнийг эмчлэх 370 гаруй ор,
- Хүнд болон маш хүнд хүмүүсийг эмчлэх буюу эрчимт эмчилгээний 80 гаруй орыг бэлдсэн.
Тэгвэл гуравдугаар сарын 25-наас өнөөдрийг хүртэл нийт 2,946 тохиолдол батлагдаж, 515 хүнийг эмнэлэгт хэвтүүлсэн бол 660 хүн эмчлэгдэж эмнэлгээс гарчээ. Ингээд тооцвол сүүлийн таван хоногт батлагдсан тохиолдлуудын 82 хувь нь буюу 2,431 нь эмнэлэгт бус, гэртээ эмчлүүлж байгаа харагдаж байна.
Харин ЭМЯ-ны хэвлэлийн ажилтан өчигдөр "гэрээр эмчлүүлж байгаа хүний тоо 1,000 орчим байгаа" гэсэн бол өнөөдөр "1,000 гаруй хүн гэрээр эмчлүүлж байгаа" гэх тойм тоог хэлсэн.
ВИДЕО ҮЗЭХ: /2021.04.01/ (Бичлэг харагдахгүй бол ЭНДЭЭС үзэх боломжтой)
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
12 СЭТГЭГДЭЛТЭЙ
|
