Гэртээ тусгаарлагдсан 1,000 орчим иргэнд зориулж “Бидний есөн дадал” хэмээх гарын авлага гаргажээ
Эрүүл мэндийн яамны хэвлэлийн төлөөлөгч Б.Ууганбаяр гэрээр эмчлүүлж байгаа хүмүүсийн мөрдөх ёстой дэглэмийн талаар зөвлөгөө өглөө.
Тэрбээр “Өнөөдрийн байдлаар 1,000 орчим хүн гэрээр тусгаарлагдаж, эмчийн хяналтад байна.
Тэдгээр хүмүүст өдөр бүр хэрэгжүүлэх “Бидний есөн дадал” гэсэн гарын авлагыг УОК, Эрүүл мэндийн яам, НЭМҮТ хамтран гаргасан бөгөөд гэрийн тусгаарлалтад байгаа иргэдэд тараах ажил эхэлсэн байна.
Мөн дээрх есөн дадлын талаар нийгмийн сүлжээнд албан ёсны сувгуудаар цацах юм.
Гэрээр тусгаарлагдаж байгаа иргэд дараах есөн дадлыг ягштал мөрдөх хэрэгтэй.
Үүнд,
- Дасгал хөдөлгөөнийг тогтмол хийх,
- Эрүүл хоолны дэглэм барих,
- Гэртээ халдваргүйжүүлэлт байнга хийх,
- Коронавирусийн эрт илрүүлэх шинжилгээнд хамрагдах,
- Архаг суурь өвчнөө хянах,
- Тамхинасс аль болох татгалзах,
- Бухимдахгүй байж дархлаагаа дэмжих,
- Амьсгалах байдлаа хянах,
- Хангалттай сайн унтаж амрах дадал багтаж байна.
Мөн гэрээр тусгаарлагдсан иргэд ямар хоол хүнс хэрэглэхэд зохимжтой болон ямар зүйлээр халдваргүйжүүлэх зэрэг олон зөвлөмж багтсан байгаа” гэв.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
