ХХЕГ-ын дарга Ж.Бямбасүрэн үүрэгт ажлаасаа чөлөөлөгдөж, түүний оронд Х.Лхагвасүрэнг томиллоо
Засгийн газрын өнөөдөрийн хуралдаанаар Хил хамгаалах ерөнхий газрын дарга, хилийн цэргийн командлагч Ж.Бямбасүрэнг чөлөөлж, түүний оронд бригадын генерал Х.Лхагвасүрэнг томилжээ. Бригадын генерал Х.Лхагвасүрэн нь ХХЕГ-ын Хяналт шинжилгээ үнэлгээ, дотоод аудитын асуудал эрхэлсэн дэд даргаар ажиллаж байгаад тус албан тушаалд томилогдож байгаа юм.
Ж.Бямбасүрэн 2019 оны арванхоёрдугаар сарын 30-нд уг албанд томилогдож байсан бөгөөд өөрийн хүсэлтээр чөлөөлөгдөхөөр болжээ.
ХХЕГ-т болсон ажил хүлээлцэх ажиллагаанд Засгийн газрын Хэрэг эрхлэх газрын дэд дарга У.Бямбасүрэн, Хууль зүй, дотоод хэргийн яамны Төрийн нарийн бичгийн дарга Б.Баасандорж нарын албаны төлөөлөл оролцов.
ХХЕГ-ын дарга, Хилийн цэргийн командлагч, бригадын генерал Ж.Бямбасүрэн байлдааны туг, тамгыг бригадын генерал Х.Лхагвасүрэнд хүлээлгэн өгсөн байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
7 СЭТГЭГДЭЛТЭЙ
|
