Хязгаарлалтад ороогүй 13 төрлийн байгууллагын ажилтнууд автомашинтайгаа хөдөлгөөнд оролцох бол QR кодтой зөвшөөрөл авна

Гэрэл зургийг mpa.mn /2020.11.22/

Гамшгаас хамгаалах бүх нийтийн бэлэн байдлын зэрэгт шилжсэн хугацаанд хязгаарлалт тогтоогоогүй 13 төрлийн үйл ажиллагаа явуулж буй аж ахуйн нэгж, байгууллагын ажилтнууд хувийн автомашинаараа хөдөлгөөнд оролцох зохицуулалтыг НОК-оос хийгээд байна.

Энэ хүрээнд 13 төрлийн байгууллагаас и-мэйлээр хүсэлт аваад эхэлжээ. ААН-үүд хүсэлтээ илгээхдээ,

• Хувийн автомашинтайгаа хөдөлгөөнд оролцох зайлшгүй шаардлагатай ажилчдынхаа автомашины улсын дугаар, марк,
• Тухайн машины зорчих маршрут/жолоочийн гэрээс ажлын газар хүртэлх/
• Байгууллагын регистерийн дугаарыг илгээх шаардлагатай юм байна. 

Байгууллагын хүсэлтийг үндэслэн QR кодтой зөвшөөрөл олгох бөгөөд иргэд smartcart.mn сайтад хандан автомашины улсын дугаараа оруулаад QR кодоо хэвлэж авна.

Жишээ зураг:

 

Зургийг Бадарчийн Одсүрэн Фэйсбүүк хуудсаас ашиглав