Гэрэл зургийн эх сурвалж: Тээврийн цагдаагийн алба

Хан-Уул дүүргийн 6 дугаар хороо, Чингисийн өргөн чөлөө, Яармагийн эмнлэгийн хойд замд өчигдөр 16:48 цагийн орчимд явган хүний гарцаар гарч байсан хоёр хүүхдийг мөргөсөн ноцтой осол гарчээ. 

Тодруулбал, BMW X3 маркийн автомашины жолооч Б нь явган хүний гарцаар гарч байсан явган зорчигч нарыг мөргөсөн байна. Үүний улмаас 9 настай, эрэгтэй гэмтэж, 5 настай, эмэгтэй хүүхдийн амь насыг хохироосон хэрэг гарчээ.

Сэрэмжлүүлэг:

• Жолооч та бүхэн явган хүний гарц руу ойртон ирэхдээ хурдаа хасаж, гарцаар гарч буй явган зорчигчид зам тавьж өгнө үү.
• Эцэг, эхчүүдээ 10 хүртэлх насны хүүхдийг харгалзах хүнгүйгээр замын хөдөлгөөнд явганаар оролцуулахгүй байхыг анхааруулж байна.

Эх сурвалж: Тээврийн цагдаагийн алба