Шотландад болсон дуудлага худалдааны үеэр сайн үүлдрийн хонины хуц хагас сая ам.долларын үнэ хүрчээ

Энэ долоо хоногийн Пүрэв гарагт Шотландын Глазгоу хотын ойролцоо болсон хөдөө аж ахуйн бараа бүтээгдэхүүний дуудлага худалдааны үеэр сайн үүлдрийн хонины хуцыг 368,000 паундын ($491,322) үнээр заржээ.

Үүнийг дэлхийн түүхэнд хамгийн өндөр үнэ хүрсэн хонь гэж үзэж байна.

“Double Diamond” нэртэй энэ хуц нь Нидерландын Тексел аралд амьдардаг маш ховор үүлдрийн хонь ажээ.

Хуцыг худалдаж авахаар Шотландын хонь үржүүлэгч гурван гэр бүл хүчээ нэгтгэсэн байна. Тэдний нэг гишүүн Жэф Айкен “Double Diamond”-ийг генетикийн хувьд төгс амьтан гэж тодорхойлжээ. Тэрбээр өмнө нь нэг хонинд 100,000 паундаас илүү мөнгө төлж байгаагүйгээ ярьсан байна.

2009 онд энд нэг хуцыг 230,000 паундаар зарсан нь өмнөх дээд амжилт юм.

Консерциум болж хамтарсан гурван гэр бүл “Double Diamond”-ийг хамтдаа эзэмших бөгөөд хуцыг хөгшрөх үед үрийг нь хадгалж, зохиомол хээлтүүлэгт ашиглахаар төлөвлөжээ.

Эх сурвалж: The Guardian