"Сургууль, цэцэрлэгүүд зай барих тэмдэг, тэмдэглэгээг заавал хийнэ"

Нийслэлд үйл ажиллагаа явуулж буй 938 ЕБС, цэцэрлэгт эрүүл ахуй халдвар хамгаалал, боловсрол, хүнсний чанар, стандартын хяналтын чиглэлээр улсын 36 байцаагч урьдчилан сэргийлэх хяналт шалгалтыг хийж байгаа талаар НМХГ-ын эрүүл мэнд, боловсрол, соёлын хяналтын хэлтсийн дарга Д.Цэнд-Аюуш мэдээллээ.

Түүнчлэн 2020-2021 оны хичээлийн шинэ жилийн бэлтгэл ажлын үеэр сургууль, цэцэрлэгийн зүгээс коронавируст халдвараас урьдчилан сэргийлэх зорилгоор ямар ажил хийх тухай НМХГ-ын эрүүл ахуй, халдвар хамгааллын хяналтын улсын ахлах байцаагч О.Алтантуул зөвлөв.

• Сургууль, цэцэрлэгийн хашаагаар орж ирэхэд зай барих тэмдэг, тэмдэглэгээг хүн харах, ойлгох хэмжээнд тод хийнэ.
• Орох, гарах хаалганы орчимд гар ариутгагчийг хүрэлцээтэй хэмжээгээр байрлуулна.
• Эмч, эмчийн өрөөнд хамгаалах хувцсыг заавал авна.
• Сургууль, цэцэрлэг тусгаарлах өрөөтэй байна. Хэрэв тусгаарлах өрөө төлөвлөгдөөгүй бол шинээр гаргана.

НМХГ-ын боловсролын хяналтын улсын ахлах байцаагч С.Лхагвадулам:

• Амны хаалтыг тогтмол зүүх,
• Гар ариутгагчийг цүнхэндээ хийж явж, гараа ариутгах
• Сургуулиас баримталж буй хичээлийн цаг, орох, гарах дүрмийг сахин мөрдөхийг сурагчдад захилаа.