Уншиж байна ...
Зураг
Зураг
ХУУЧИРСАН МЭДЭЭ: 2020/06/17-НД НИЙТЛЭГДСЭН

"Үрэвслийн эсрэг дааврын бэлдмэлээр COVID-19-өөр хүндэрсэн 8 өвчтөн тутмын 1-ийг аврах боломжтой гэж судлаачид дүгнэсэн"

Д.Янжиндулам, ikon.mn
2020 оны 6 сарын 17
iKon.MN
Зураг зураг

Үрэвслийн эсрэг дааврын бэлдмэл болох Dexamethasone эмийг COVID-19 халдварын хүндэрсэн өвчтөнүүдэд хэрэглэхэд үр дүнтэй талаар бид өмнө нь мэдээлсэн.

Тус эмийн судалгааны тухай ЭМЯ-ны Гадаад харилцаа, хамтын ажиллагааны хэлтсийн дарга Б.Янжмаа өнөөдрийн хэвлэлийн хурлын үеэр нэмж тайлбар хийв.

Тэрбээр хэлэхдээ “Амьсгалын аппаратад орж, биеийн байдал нь хүндэрсэн өвчтөнүүдэд үрэвслийн эсрэг дааврын бэлдмэл Dexamethasone-ийг  хэрэглэхэд нас барах эрсдлийг 40-28 хувь болгож бууруулсан.

Харин хүчил төрөгчийн хангамж шаардлагатай өвчтөнүүдийн нас барах эрсдлийг 20 хувиар бууруулсан байна.

Тодруулбал, Dexamethasone эм нь амьсгалын аппаратад орсон найман өвчтөн тутмын нэгийн амийг аврах боломжтой, харин хүчил төрөгчийн хангамж шаардлагатай 25 өвчтөн тутмын нэгийг аварна гэсэн судалгааны дүн гарчээ.

Хэрвээ цар тахал анх эхэлснээс хойш уг эмийг зөвхөн хүндэрсэн өвчтөнүүдэд хэрэглэж байсан бол Их Британи улс л гэхэд 5,000 гаруй иргэнийхээ амийг аврах боломж байсан гэж судлаачид дүгнэсэн" гэв.

Видео:

https://www.facebook.com/iKonNews/videos/1403910146459917/?v=1403910146459917

 

ikon.mn сайтын Редакцын бодлогын 6.1; 6.2; 6.3 –т дурдсан үндэслэлээр сэтгэгдэл бичих талбарыг хаасан болно.