“Тэтгэврийн зээл тэглэлтийн эдийн засагт үзүүлэх сөрөг нөлөөг хэрхэн багасгах талаар ажиллаж байна”

Гэрэл зургийг mpa.mn

Тэтгэврийн зээлийн үлдэгдлийг тэглэх шийдвэртэй холбоотойгоор ОУВС байр сууриа илэрхийлсэн. Тэгвэл энэ талаар Сангийн сайд Ч.Хүрэлбаатар сэтгүүлчдэд мэдээлэл өгөх үеэрээ дараах байр суурийг илэрхийллээ. 

“Уг шийдвэр гарсны дараа ОУВС-ийнхантай уулзсан. ОУВС хөтөлбөр, гэрээнд тусгагдаагүй өөр зүйл хийж байна гэж хэлсэн. Бид тайлбар өгсөн. Өргөтгөсөн санхүүжилтийн хөтөлбөр хэрэгжээд явж байгаа. 100% төгс төгөлдөр хэрэгжинэ гэж байхгүй. Хөтөлбөр ямар ч байсан дуусахаар цаашид яахаа шийднэ. Одоо бол тэтгэврийн зээл тэглэлтийн эдийн засагт үзүүлэх сөрөг нөлөөг хэрхэн багасгах талаар ажиллаж байна” гэлээ. 

Түүнчлэн тэтгэврийн зээл тэглэлт төсөвтэй ямар ч хамаагүй гэдгийг тодотгов.