• 1 сарын 13, Даваа
|
Уншиж байна ...
Зураг
Зураг
ХУУЧИРСАН МЭДЭЭ: 2019/11/22-НД НИЙТЛЭГДСЭН

"Бүх нийтийн амралтын хоёр өдөртэй холбогдуулан ажлын өдөрт өөрчлөлт орохгүй"

Х.Алтанзагас, iKon.mn
2019 оны 11 сарын 22
iKon.MN
Зураг зураг

Ирэх долоо хоногийн Мягмар, Лхагва гараг буюу арваннэгдүгээр сарын 26, 27-нд бүх нийтээрээ амарна.

Хоёр өдөр дараалан амрахтай холбогдуулан ажлын өдрийг шилжүүлсэн шийдвэр гарах эсэх талаар иргэд асуусаар байгаа юм.

Энэ талаар Засгийн газрын Хэвлэл мэдээлэл, олон нийттэй харилцах хэлтийн дарга Ц.Ганзоригоос тодруулахад "Засгийн газрын хуралдаанаар ажлын өдрийг шилжүүлэх тухай асуудал яригдаагүй. Ирэх долоо хоногт тохиох бүх нийтийн амралтын хоёр өдөртэй холбогдуулан ажлын өдөрт өөрчлөлт орохгүй" гэсэн тайлбарыг өглөө.

Нийтээр тэмдэглэх баярын болон тэмдэглэлт өдрүүдийн тухай хуульд Бүгд Найрамдах Улс тунхагласан арваннэгдүгээр сарын 26-ны өдөр бүх нийтээр амарна гэж заасан байдаг. 

Харин Чингис хааны мэндэлсэн өдрийг Билгийн тооллын өвлийн эхэн сарын шинийн 1-нд тэмдэглэхээр 2012 онд хуульчилсан. 

Өвлийн тэргүүн сарын шинийн 1-н энэ жил арваннэгдүгээр сарын 27-нд эхэлж байгаа юм.

Энэ жил Бүгд Найрамдах Улс тунхагласны 95 жил, Их эзэн Чингис хааны мэндэлсний 857 жилийн ой тохиож байна.