Цахим орчинд ёс бус үг хэллэг хэрэглэсэн иргэн Б.Баярбаатарыг 30 хоног баривчилжээ

Өнгөрсөн оны арванхоёрдугаар сарын 26-ны өдөр иргэн Б.Баярбаатар нь “Бурханы хүү Баярбаатар” нэртэй цахим хаягаар дамжуулан олон нийтийн сүлжээнд шууд бичлэг хийх үеэрээ ёс бус үг, хэллэг хэлж илтэд олон нийтийг үл хүндэтгэсэн асуудалд Зөрчлийн тухай хуулийн 5.2 дугаар зүйлийн 1 дэх хэсгийн 1.4 дэх хэсэгт зааснаар Зөрчлийн хэрэг нээж, шалгалтын ажиллагаа явуулжээ.

Шалгалтаар Хэл шинжлэлийн хүрээлэнгээс шинжээч томилуулан дүгнэлт гаргуулахад шууд бичлэгийн үеэр хэлсэн ёс бус үгс нь бусдыг үл хүндэтгэсэн болох нь тогтоогдсон юм.

Иймд холбогдогч Б.Баярбаатарыг шүүхээр 30 хоног баривчлах шийтгэл оногдуулсныг Цагдаагийн Ерөнхий Газар (ЦЕГ)-ын Хэвлэл Мэдээллийн Төвөөс мэдээлэв.