Монголын Хөлбөмбөгийн Холбоонд үүсээд байгаа нөхцөл байдлыг судлах Ажлын хэсэг байгуулагдана
Монголын Хөлбөмбөгийн Холбоо (МХБХ) бүтэн өдөр бужигнасны эцэст Ерөнхийлөгч М.Болдын зарласан ээлжит бус хурал өндөрлөлөө.
Яаралтай үүссэн нөхцөл байдлын улмаас өмнө нь хэлэлцэхээр товлогдсон "Ерөнхий нарийн бичгийн даргын газрын бүтэц батлах болон "Алтан бөмбөг 2024" ёслолын ажиллагаа болон МХБХ-ны 65 жилийн ойн арга хэмжээ зохион байгуулах Ажлын хэсгийн шийдвэрийг батлах" асуудлыг дараагийн ээлжит бус хурлаар хэлэлцэхээр болов.
Түүнчлэн Хөлбөмбөгийн хөгжлийг дэмжих төсөл, хөтөлбөрийн санхүүжилтийг шалгах түр хороог байгуулахаар болжээ.
Үүнд МХБХ-ны эмэгтэй дэд Ерөнхийлөгч И.Сарангэрэлээр ахлуулсан Удирдах зөвлөлийн М.Баярмагнай, Д.Нанжид, Б.Болдбаатар, М.Ганбаатар нар байх бол уг Ажлын хэсэгт төлөөлөл болгож ажиллах дөрвөн хүний нэрийг энэ сарын 13-ны 17:00 цагаас өмнө гаргаж өгөхийг Техникийн захирал Б.Гарьдмагнайд даалгажээ.
Уг Ажлын хэсэг нь МХБХ-ны 2020-2024 оны санхүү, олон улсын төсөл хөтөлбөрүүд, үйл ажиллагааны тайлангийн хүрээнд цогц судалгааг хийж, холбогдох мэдээллийг цуглуулснаар дүгнэлтээ зөвлөлийн I улирлын ээлжит хуралд тайлагнах юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
6 СЭТГЭГДЭЛТЭЙ
|
