"Эмэгтэйн биед халдсан Ж гэгчийг цагдан хорьж, мөрдөн шалгах ажиллагааг үргэлжлүүлж байна"

Гэрэл зургийг Mpa.mn

Нэгэн эмэгтэйн "2024/10/27-нд болсон явдал" гэх биед нь халдсан бичвэр олон нийтийн сүлжээнд цацагдаж байна.

Энэ талаар ЦЕГ-ын ХМТ-өөс "Цагдаагийн байгууллагад 2024 оны аравдугаар сарын 28-ны өдөр "Манай дүүг найз залуу нь зодсон байна" гэх дуудлага мэдээллийг ирүүлсэн.

Дуудлагын дагуу нутаг дэвсгэр хариуцсан цагдаагийн байгууллагаас хойшлуулшгүй ажиллагааг явуулж, холбогдогч Ж гэгчийг Сүхбаатар дүүргийн нутаг дэвсгэрээс баривчлан иргэний биед халдсан, амь насанд заналхийлсэн зэрэг үйлдэлд эрүүгийн хэрэг үүсгэж, иргэн Ж-д 2024 оны аравдугаар сарын 30-ны өдөр цагдан хорих таслан сэргийлэх арга хэмжээ авсан.

Баянзүрх дүүргийн цагдаагийн газарт мөрдөн шалгах ажиллагааг үргэлжлүүлж байна" гэж мэдээллээ.