ЧАНАР 57
ЧАНАР 95
ЧАНАР 134
ЧАНАР
ЧАНАР 42
ЧАНАР 43
ЧАНАР 23
ЧАНАР 47
ЧАНАР 46
ЧАНАР 20
ЧАНАР 71
ЧАНАР 108
ЧАНАР 125
ЧАНАР 82
ЧАНАР 56
ЧАНАР 23
ЧАНАР 17
ЧАНАР 108
ЧАНАР 77
С.Амарсайхан: Нур-Султанаас ногоон байгууламж, хот төлөвлөлтийн чиглэлээр туршлага судална
Монгол Улсын ерөнхий сайдын БНКазУ-д хийсэн айлчлалын үеэр "Монгол Улсын нийслэл Улаанбаатар хот, Бүгд Найрамдах Казахстан Улсын нийслэл Нур-Султан хот хооронд ах, дүү хотын харилцаа тогтоох тухай хэлэлцээр”-т гарын үсэг зурсан. Энэ хүрээнд хоёр улс “Соёлын өдрүүд”-ийг зохион байгуулах гэх мэт олон арга хэмжээ зохион байгуулагдах юм байна.
Энэ талаар Нийслэлийн засаг дарга бөгөөд Улаанбаатар хотын захирагч С.Амарсайхан "Хоёр улсын нийслэл албан ёсоор ах, дүү хотууд боллоо. Энэ хүрээнд шинэ хот байгуулсан туршлага, хот төлөвлөлт, дэд бүтцийн чиглэлээр хамтарч ажиллах, туршлага судлах юм.
Улаанбаатар, Нур-Султан хотууд ижил төстэй нөхцлүүдтэй. Дэлхийн хамгийн хүйтэн нийслэлүүд буюу цаг агаарын хувьд төстэй нөхцөлтэй учраас ногоон байгууламж, хот төлөвлөлтийн чиглэлээр туршлага судална. Нур-Султан хотын төлөвлөлтийг гадны мэргэжилтнүүдээр хийлгээд, нэг гаргасан төлөвлөгөөгөө яс барьснаар богино хугацаанд байгуулсан байна.
Уг хотыг байгуулах явцад хүйтэн газарт дулаан алдагдал багатай барилгыг хямд өртгөөр чанартай, хурдан барих технологи хөгжсөн нь бидэнд зайлшгүй судлах туршлага болсон байна" хэмээж байв.
Бүгд Найрамдах Казахстан Улсын Ерөнхийлөгч Ж.Токаевын санаачилгаар 2019 оны гуравдугаар сарын 23-ны өдөр нийслэл Астана хотын нэрийг Нур-Султан болгон өөрчилсөн. Нур-Султан хотын нийт газар нутгийн хэмжээ 797 км квадрат бөгөөд өнөөдрийн байдлаар нэг сая орчим хүн ам оршин сууж байна.
Нийслэл хот нь төмөр эдлэл, бетон, бетонон барилгын үйлдвэрлэлээр улсдаа тэргүүлж байгаа ажээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
