Суурь боловсролын 42,140 гэрчилгээ, бүрэн дунд боловсролын 17,222 үнэмлэхийг шууд хэвлэн олголоо
Өнгөрсөн хичээлийн жилээс ерөнхий боловсролын сургуулийн 9, 12 дугаар анги төгсөгчдөд боловсролын баримт бичгийг сургууль дээр нь “Боловсролын салбарын мэдээллийн систем”-ээс шууд хэвлэн олгож эхэлсэн. Тэгвэл 2018-2019 оны хичээлийн жилийн төгсгөлд суурь боловсролын 42,140 гэрчилгээ, бүрэн дунд боловсролын 17,222 үнэмлэхийг шууд хэвлэж олголоо.
Ингэснээр гэрчилгээ, үнэмлэхийг гараар бичих, бичилтийн техник алдаа гарах эрсдэл үгүй болж, бичилт хийх, баталгаажуулахад зарцуулах хугацаа, явдал чирэгдэл, зардал багассан, багшийн ачааллыг бууруулсан зэрэг олон давуу тал бий болж байна. Мөн боловсролын баримт бичгийн эх хувийг цахим хэлбэрээр мэдээллийн санд хадгалдаг болсноор тухайн баримтад хэвлэгдсэн QR кодыг ашиглан лавлагааг түргэн шуурхай авах боломжтой боллоо.
Эх сурвалж: Боловсрол, соёл, шинжлэх ухаан, спортын яам
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
0 СЭТГЭГДЭЛТЭЙ
|
