Уншиж байна ...
ХУУЧИРСАН МЭДЭЭ: 2019/05/27-НД НИЙТЛЭГДСЭН

Нэгэн астрономич Starlink төслийн хөөргөсөн анхны 60 хиймэл дагуулын дүрсийг буулгажээ

Р.Түвшин, iKon.mn
2019 оны 5 сарын 27
iKon.MN
Зураг зураг

Өнгөрсөн долоо хоногт бизнесмэн Илон Маскын санаачилсан Starlink төслийн эхний 60 хиймэл дагуул SpaceX компанийн пуужинд тээвэрлэгдэн тойрог замд амжилттай хүрсэн билээ.

Төсөл бүрэн хэрэгжиж дуусахад 12,000 орчим хиймэл дагуул дэлхийн бөмбөрцгийг бүрхэн байрлаж, газар зүйн байрлалаас үл хамаарах өндөр хурдны интернэтээр үйлчилж эхлэх юм.

Тэгвэл Нидерландын астрономи сонирхогч Марко Лангброк эдгээр 60 хиймэл дагуулын дүрсийг буулгаж чадсанаа хүмүүст үзүүлжээ.

Уг дүрсэнд ар араасаа цуварсан гэрэлт биетүүд сансрын уудамд аялж байгааг харуулсан байна. Марко нийт 56 ийм биет нисэж байгааг хувийн дурангаараа харж, тоолжээ.

Уг цуваа шөнө бүр 2-3 удаа дэлхийг тойрч байгаа гэнэ. Ар араасаа цуварсан хиймэл дагуулууд хэсэг хугацааны дараа тарж, өөр өөрийн байрлалд шилжих юм байна.

Илон Маск энэхүү ажиллагааг “хөзөр тараах”-тай адил гэж зүйрлэн тайлбарлаж байсан юм.

Эх сурвалж: The Verge