2020/08/14
Америк доллар
МОНГОЛ БАНК:
2,848.45₮
B30
УЛААНБААТАР
24°
|
11°
B30
УЛААНБААТАР
26°
|
12°
B30
УЛААНБААТАР
23°
|
14°
15:00
S32
23°
16:00
S32
22°
17:00
S30
22°
18:00
S32
20°
19:00
S32
18°
20:00
S30
17°
21:00
S31
15°
22:00
S31
13°
23:00
S31
12°
00:00
S31
11°
01:00
S31
10°
02:00
S31
10°
Энэ мэдээ хуучирсан буюу 2019/05/15 -нд нийтлэгдсэн мэдээ болно.

Инстаграмын дагагчдынхаа хүсэлтээр амиа хорлосон хэрэг Малайзад гарчээ

Э.Сэмүүн, ikon.mn
2019 оны 5 сарын 15
iKon.MN
Зураг

Инстаграм сүлжээнд дагагчдынхаа дунд санал асуулга явуулахад 70 орчим хувь нь үхэхийг зөвлөсний улмаас 16 настай охин амиа хорлосон хэрэг Малайзад гарчээ.

Тус улсын зүүн бүсийн Саравак мужийн цагдаагийн газрын мэдээлснээр нэрийг нь нууцалж байгаа талийгаач охин дагагчдадаа хандаж “Үнэхээр чухал шийдвэр. Үхэх, амьдрах хоёрын нэгийг сонгоход туслаач!” гэж бичсэн байна. Дагагчдынх нь ихэнх хэсэг “үхэх” гэсэн сонголтыг хийсний дараа охин амиа хорложээ.

Малайзын зарим хуульчид охиныг амиа хорлоход хүргэсэн хүмүүс хуулийн хариуцлага хүлээх ёстой гэж үзэж байгаагаа илэрхийлсэн байна. “Манай улсын залуу үеийнхний сэтгэцийн эрүүл мэндэд би үнэхээр их санаа зовж байна. Энэ бол үндэсний хэмжээнд авч хэлэлцэх ёстой чухал асуудал юм” гэж Малайзын залуу үе, спортын асуудал хариуцсан сайд Саид Саддик Саид Абдул Рахман хэвлэлд ярьжээ.

Британийн 14 настай Молли Рассел охин 2017 онд амиа хорлосныг Инстаграм сүлжээнээс өөрийн амь нас, бие махбодод гэмтэл учруулах агуулгатай зураг олноор үзсэний уршиг гэж эцэг эх нь тухайн үед тайлбарлаж байв.

Үүний дараа Инстаграм үйлчилгээ “sensitivity screen” нэртэй агуулгын шүүлтүүр нэвтрүүлэх төлөвлөгөөгөө зарласан юм. Малайзад гарсан хэрэгтэй холбогдуулан Инстаграм сүлжээний Ази, Номхон Далайн бүсийн салбараас эмгэнэл илэрхийлж, хүмүүсийн амь насыг эрсдэлд оруулж байгаа аливаа үзэгдэл илэрвэл зохих байгууллагад мэдээлж байхыг хэрэглэгчдэдээ уриалжээ.

 

Эх сурвалж: The Guardian

 

x