Танд хоолой өвдөх зовиур байна уу?

Танд болон таны хүүхдийн хоолой өвдвөл танд дараах зөвлөмжийг хүргэж байна.

Хоолой загатнах, хүндүүрлэх, хатах шинж тэмдэг илэрч байна уу? Жилд хоолой өвдсөн гэх шалтгаанаар 13 сая орчим хүн эмчид ханддаг. Энгийн нэг өвчин мэт санагдаж болох ч уг өвчин ужигарвал ангина буюу гүйлсэн булчирхайт үрэвсэл үүсдэг.

Хоолой өвдөх олон шалтгааны нэг нь орчны нөлөө ба удахгүй ирэх хуурай цаг агаарын нөлөөнд үүсч болдог байна.

Хоолойн зовиурыг үндсэн 3 төрөлд хувааж үздэг.

1. Фарингит буюу “залгиурын үрэвсэл”
2. Тонзиллит буюу “гүйлсэн булчирхайн үрэвсэл”
3. Ларингит буюу “төвөнхийн цочмог үрэвсэл”

Хоолой залгиурын хажуу хананд байрладаг хос булчирхай үрэвсэхийг гүйлсэн булчирхайн үрэвсэл буюу ангина гэдэг.. Ангина нь тухайн үед нь зохих эмчилгээг тууштай хийж төгс эмчлэхгүй бол олон жилээр ужигран даамжирч, архаг эмгэгүүдийг үүсгэдэг аюултай өвчин юм.

Ангины хор уршиг

• Хүндэрвэл зүрх судас, бөөр, үе мөчний өвчин үүсэх үндэс болно.
• Архаг ангинатай хүүхэд халдварт менингит /тархи нугасны үрэвсэл – менингококкцемия/ цахилгаан менингит гэдэг/ аюулт өвчнөөр амархан өвдөж хүндэрнэ.
• Ангинатай хүүхэд бусад хүмүүс, хүүхдүүдэд халдвар тарааснаас олон хүнийг ангинаар өвдөх эх сурвалж болно.

Ангина үүсэх шалтгаан

• Төрөл бүрийн нянгаар үүсгэгдэнэ. Ялангуяа амны хөндийн ариун цэврийг муу сахидаг, шүд нь цоорсон хүүхдүүд ангинаар амархан өвчилдөг.
• Хүүхдийг багаас нь хэт бэгнэж сургаснаас, хэт халууцсан үед нь хүйтэн юм уух, хүйтэн усанд хөлөө дүрэх, даарах үед амархан цочирдон өвддөг.
• Архаг ангинатай хүнтэй аяга, халбага, шүдний сойзоо дамжуулан хэрэглэвэл халдварладаг тул “гэр бүлийн өвчин” ч гэж нэрлэх нь бий.

 

Илрэх шинж тэмдэг

• Юм залгихад хоолой хөндүүрлэж өвдөх ба амыг нь ангайлгаж харахад гүйлсэн булчирхай томорч улайсан мөн заримдаа идээтэй, өнгөр тогтсон харагдана.
• Өндөр халуурна.
• Үе мөч, ууц нуруугаар өвдөж, бие сулрах, хоол ундандаа дургүй болно.

Эмчид хэзээ хандах вэ?

Танд дараах зовиур илэрвэл эмчид хандаарай.

• Залгихад зовиуртай болох
• Хоолой өвдөх
• Шүлс асгарах
• Дуу хоолой сөөх
• Хоолонд дургүй болох
• Халуурах, бие сулрах шинж илэрвэл эмчид хандаарай.

Хамгийн гол нь эмчилгээг төгс хийлгэх нь чухал юм. Мөн ангинаар өвдсөн хүүхэд өрхийн ба чих, хамар, хоолойн эмчийн хяналтанд байж, үзүүлж, зөвлөгөө авч байх шаардлагатай.

Ангинаар өвдөх үеийн асаргаа сувилгаа

• Юуны өмнө хэвтрийн дэглэм сахиулж, оронд нь дулаан хэвтүүлэх,
• Бүлээн цай, хярам, жимсний шүүс зэрэг шингэнийг ойр ойрхон уулгах,
• Бантан, шөл, тараг зэрэг нухаж жижиглэсэн шингэн, хагас шингэн хоол өгөх,
• Хооллосны дараа амыг буцалсан ус, сод, давсны уусмалаар сайн зайлж цэвэрлэх,
• Хоолойг фурациллин, царвангийн уусмалаар эмчийн зааврын дагуу зайлуулах,
• Мэргэжлийн чих, хамар, хоолойн эмчид үзүүлж, хоолойн арчдасын шинжилгээ хийлгэсний дараа эмчийн заавраар эмчилгээ хийлгэх.

Хоолой өвдсөн тохиолдолд гаж нөлөө бага, ургамлын гаралтай, хэрэглэхэд хялбар шүршлэг бүтээгдэхүүн сонговол илүү аюулгүй ба өндөр үр дүнтэй байх болно.

Таньд санал болгож буй бүтээгдэхүүн бол ТОНЗИЛМОН хоолойн шүршлэг юм.

ТОНЗИЛМОН нь 100% ургамлын гаралтай бүтээгдэхүүн бөгөөд хэрэглэхэд илүү хялбар шүршлэг хэлбэртэй гэдгээрээ давуу талтай. Гүйлсэн булчирхай өөрөө тэгш бус гадаргуутай учир шүршлэг эм нь  хоолойн бүх хэсэгт хүрч, эмийн бодисыг жигд тарааснаар үйлчилгээгээ илүү найдвартай үзүүлдэг. 3-с дээш насны бүх хүмүүс хэрэглэж болно.

 

Урьдчилан сэргийлэх

• Хүүхдийн биеийг чийрэгжүүлэх,
• Амны хөндийн ариун цэврийг сайтар сахиулж, шүдийг нь зөв угаалгаж сургах,
• Цоорсон шүдийг төгс эмчлүүлэх,
• Хүүхэд бүр тусдаа аяга, халбага, сойз хэрэглэж занших,
• Ханиад томуу өвчин ихэсдэг өвөл, хаврын улиралд өглөө оройд хоолойгоо давс, сода  бусад /септидин/ уусмалаар зайлж хэвшвэл ангинаар өвдөхгүй байж болно.

Ангина таны хүүхдэд насан туршийн эмгэг үүсгэж болзошгүй гэдгийг ямагт анхаараарай.

Эх сурвалж: Үндсэн зөвлөвж НЛМ - Нидерландын тусламжийн байгууллага /Гарын авлага